Rocky Horror aftur á fjalirnar á Akureyri í febrúar
Vegna fjölda áskorana hefur verið ákveðið að sýna nokkrar aukasýningar á Rocky Horror, og verður fyrsta sýningin föstudaginn 11. febrúar. Sýningafjöldi verður takmarkaður. Fjöldi glæsilegra listamanna koma fram í sýningunni, sem er hin magnaðasta í alla staði. Má þar nefna Magnús Jónsson sem Frank N Furter, Andreu Gylfadóttur sem Columbiu, Bryndísi Ásmundsdóttur sem Magentu, Eyþór Inga Gunnlaugsson sem fer á kostum sem Riff Raff og Matta Matt (í Pöpunum og Dúndurfréttum) sem Eddie. Lögin úr sýningunni hafa verið gefin út á geisladisk og fást í öllum helstu plötu-, bóka- og matvöruverslunum.
Það er rétt að taka það fram að árið 2011 eru 20 ár síðan Rocky Horror var fyrst sett upp á Íslandi, en þá lék Páll Óskar aðalhlutverkið, þegar sýningin var sett upp í Menntaskólanum við Hamrahlíð. Leikfélag Akureyrar hefur boðið leikendum þessarar sýningar að koma norður og halda upp á afmælið með því að sjá Rocky Horror í Hofi.
Á Akureyri er úrval gistirýma við allra hæfi. Fjöldi góðra veitingastaða og verslanir. Einnig er tilvalið að nota ferðina norður til að bregða sér á skíði. Valitor og Flugfélag Íslands eru styrktaraðilar Rocky Horror og Flugfélagið býður upp á spennandi pakka fyrir þá sem vilja fljúga norður til að sjá söngleikinn.
Sýningar hjá LA eftir áramót:
Leikfélag Akureyrar mun taka á móti gestasýningunni Jesús litli frá Borgarleikhúsinu, en hún mun verða sýnd í Hofi í janúar. Í lok janúar munu svo Radíus bræðurnir Steinn Ármann og Davíð þór verða í Samkomuhúsinu með hina frábæru sýningu Villidýr og pólitík. Í byrjun mars mun LA svo frumsýna alveg mergjaðan farsa; Farsæll farsi, sem er einhver besti farsi seinni tíma, og skartar öllum bestu eiginleikum farsans, framhjáhaldi, misskilningi, lygum og hurðaskellum. Leikstjóri farsans er einhver dáðasti farsaleikstjóri á Íslandi, María Sigurðardóttir, en hún leikstýrði einnig Sex í sveit, Fló á skinni og Fúlar á móti.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.