Óvíst um áframhaldandi uppbyggingu flughlaðs
Vinna við framkvæmd á nýju flughlaði við Akureyrarflugvöll er stopp og óvíst er með framhaldið.
Allt er stopp sem snýr að frekari fjármögnun við gerð nýs flughlaðs á Akureyrarflugvelli og óvíst með framhaldið. Eins og Vikudagur fjallaði um í byrjun árs var ekki gert ráð fyrir neinu fjármagni í verkið í fjárlögum ríkisins fyrir árið 2017.
Í samgönguáætlun sl. haust var gert ráð fyrir um 160 milljónum í verkefnið í viðbót við þær 50 milljónir sem veittar voru í efnaflutninga fyrir um ári síðan. Það náðist hins vegar ekki í gegn í fjárlögum. Fyllingarvinna í nýtt flughlað hófst fyrir um einu og hálfu ári en allt fé í framkvæmdina er uppurið. Nóg er þó af efni til að keyra í flughlaðið.
Njáll Trausti Friðbertsson, þingmaður Sjálfstæðisflokksins í NA-kjördæmi, segir mikla óvissu um framhaldið. „Þetta er mjög bagaleg staða þegar litið er til öryggishagsmuna flugsins hér á landi og atvinnuuppbyggingar á Akureyrarflugvelli,“ segir Njáll Trausti. „Ég hef lagt á það mikla áherslu á undanförnum misserum að kynna mikilvægi þess að alþjóðaflugvallakerfi landsins sé byggt upp með markvissum hætti. Þetta flugvallakerfi byggist upp á fjórum alþjóðaflugvöllum landsins, Keflavíkurflugvelli, Reykjavíkurflugvelli, Egilsstaðaflugvelli og Akureyrarflugvelli. Flugið til og frá landinu hefur aukist gríðarlega á undanförnum árum en innviðirnir hafa ekki byggst upp í neinu samhengi við þessa miklu aukningu. Það þarf að skoða þessi mál heildrænt og Akureyrarflugvöllur er mikilvægt púsl í því samhengi,“ segir Njáll Trausti.
Akureyrarbær skorar á fjármálaráðherra
Áætlað er að það þurfi 175 þúsund rúmmetra af efni í flughlaðið. Á síðasta bæjarráðsfundi Akureyrarbæjar var rætt um stöðuna á framkvæmd við flughlað á Akureyrarflugvelli. Bæjarráð Akureyrar skorar á fjármálaráðherra og og ríkisstjórn að úthluta fjármagni í fjárlögum til þess að klára flughlaðið við Akureyrarflugvöll.
„Eins og fram hefur komið er stækkun flughlaðsins mikið öryggismál vegna vaxandi flugumferðar til og frá Íslandi, en öryggisnefnd Félags íslenskra atvinnuflugmanna (FÍA) hefur í þessu sambandi bent á mikilvægi Akureyrarflugvallar og Egilsstaðaflugvallar sem varaflugvalla. Þá er flughlaðið grundvöllur vaxandi flugstarfsemi á Akureyrarflugvelli sem mun styrkja og efla atvinnulíf og byggð á Norðurlandi öllu,“ segir í bókun. bæjarráðs.
Nýjast
-
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið. -
“Jákvæð viðbrögð” um veiðigjaldið?
Heimir Örn Árnason skrifar um viðbrögð við veiðigjaldinu -
Vinnustaðir á Húsavík bjóða upp á íslenskukennslu á vinnutíma
„Við byrjuðum fyrir um þremur vikum síðan og erum með sjö manns sem sitja námskeiðið,“ segir Ármann Örn Gunnlaugsson, framkvæmdastjóri Sjóbaðanna í samtali við Vikublaðið.
