Norðursiglingarbræður fá viðurkenninguna „Brautryðjandinn 2017“
F.v. Þorsteinn I. Sigfússon, forstjóri Nýsköpunarmiðstöðvar Íslands, Hörður Sigurbjarnarson, sem tók við viðurkenningunni Brautryðjandinn 2017 fyrir hönd þeirra bræðra og Sigríður Ingvarsdóttir, (Flateyingur og Húsvíkingur) framkvæmdastjóri. Mynd: Af vef Nýsköpunarmiðstöðvar Íslands.
Hörður og Árni Sigurbjarnarsynir, stofnendur Norðursiglingar á Húsavík eru Brautryðjendur ársins 2017. Þetta var tilkynnt á ársfundi Nýsköpunarmiðstöðvar Íslands í vikunni, en þetta er í fjórða sinn sem Nýsköpunarmiðstöð veitir þessa viðurkenningu.
Bræðurnir stofnuðu fyrirtækið árið 1995 og hófu að bjóða ferðamönnum hvalaskoðun úti fyrir Norðurlandi. Fyrsta sumarið fluttu þeir 1.760 gesti en í dag er velta þjónustu tengdri hvalaskoðun á Íslandi talin í milljörðum.
Viðurkenningin er veitt fyrir framúrskarandi atorku og hugvit á sviði verðmæta- og nýsköpunar.
Ríflega 300 manns voru viðstaddir ársfund Nýsköpunarmiðstöðvar og fögnuðu þar meðal annars þessari útnefningu. Framkvæmdastjóri Nýsköpunarmiðstöðvar rifjaði það upp, að árið 1985 hafi fólk á fundi í Reykjavík tekið vægast sagt illa í þá hugmynd að hvalaskoðun gæti orðið atvinnugrein og las meðal annars upp þessa tilvitnun í blaðagrein frá 1985. „Yfirleitt tók fólk þessu ekki sérlega vel, fannst þetta ósmekklegt og lét það í ljós.“
Ónefndur alþingismaður taldi þessa uppástungu (þ.e. hvalaskoðun sem atvinnugrein) „þá fáránlegustu sem hann hefði lengi heyrt og sýndi hún gífurlega vanþekkingu á íslenskum aðstæðum.“
Fyrri verðlaunahafar eru Róbert Guðfinnsson, athafnamaður á Siglufirði, frú Vigdís Finnbogadóttir og Gísli Einarsson, sjónvarpsmaður.
Táknmynd viðurkenningarinnar er listaverk eftir Eddu Heiðrúnu Bachman, en hún lést á síðasta ári. Málverkið er í röð verka Eddu Heiðrúnar sem hún málaði sérstaklega fyrir Brautryðjendaverðlaunin á sínum tíma.
Norðursigling ehf. var stofnuð á Húsavík árið 1995 og var fyrst íslenskra hvalaskoðunarfyrirtækja til að bjóða upp á reglulegar hvalaskoðunarferðir. Eitt helsta markmið Norðursiglingar er varðveisla íslenskra eikarbáta. Tveir bátanna hafa verið endurbyggðir sem tveggja mastra seglskip.
Nýr skrúfubúnaður sem þróaður hefur verið sérstaklega hefur þá sérstöðu að hægt er að hlaða rafgeyma skipsins undir seglum. Í hvalaskoðunarferðum mun rafmótorinn knýja skrúfubúnaðinn en þegar skipið siglir fyrir seglum er hægt að breyta skurði skrúfublaðanna og nýta búnaðinn til að hlaða rafmagni inn á geyma skipsins. Verkefnið hefur m.a. verið unnið í samstarfi við Nýsköpunarmiðstöð Íslands. nmi.is
Nýjast
-
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum
