Mun fleiri fjölskyldur á svæðinu fengu aðstoð nú en áður
Jóna Berta Jónsdóttir hjá Mæðrastyrksnefnd segir að fyrir jólin 2006 hafi um 300 fjölskyldur notið aðstoðar hjá nefndinni, þær voru tæplega 300 í fyrra en nú í ár fengu yfir 450 heimili aðstoð þar. "Við tókum eftir því að til okkar leitaði mikið af nýju fólki sem við höfum aldrei séð áður," segir Jóna Berta. Hún segir ástandið í þjóðfélaginu helstu skýringu á því, margir hafi misst atvinnu sína en þurfi engu að síður að standa skil á skuldbindingum vegna húsnæðis. "Þetta er erfiður tími fyrir marga og við finnum það að mörgum þykir það þung spor að ganga að leita til okkar, en við reynum hvað við getum að sýna alúð og nærgætni," segir Jóna Berta. Hún segir fjölmarga að venju leggja Mæðrastyrksnefnd lið og kveðst afar þakklát fyrir stuðninginn, "það vilja allir hjálpa, allir leggja sitt af mörkum, við finnum fyrir mikilli samstöðu og það er ánægjulegt." Jóna Berta gerir ráð fyrir að síst minni þörf verði fyrir aðstoð á næstu mánuðum, uppsagnir margra taki gildi um næstu mánaðamót, janúar febrúar og þá megi búast við að þröngt verði í búi víða.
Jón Oddgeir Guðmundsson hjá Hjálparstarfi kirkjunnar á Akureyri segir að fleiri hafi fengið aðstoð nú en í fyrra. Um 160 fjölskyldur fengu aðstoð í ár, þær voru um 100 talsins í fyrra. "Við bjóðum upp á matarpakka og gjafakort," segir Jón Oddgeir. Hver fjölskylda getur fengið aðstoð hjá Hjálparstarfinu þrisvar á ári auk jólaaðstoðar og segir Jón Oddgeir að við síðustu úthlutun um mánaðarmótin október nóvember hafi orðið 100% aukning. "Það segir okkur að vandinn er mikill," segir hann. Jón Oddgeir segir dapurlegt hljóð í mörgum og greinilegt að mönnum þyki erfitt að leita aðstoðar, "það var greinilegt að margir komu á síðustu stundu, þegar öll önnur sund voru lokuð, menn ætluðu í lengstu lög að forðast að leita eftir aðstoðinni en hafa svo verið tilneyddir," segir hann. Jón Oddgeir segir líkt og Jóna Berta að fjölmargir leggi Hjálparstarfinu lið, gefi fé eða matvæli og fyrir það sé hann þakklátur.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.