Matarsóun í Borgarhólsskóla
Matarsóun hefur verið mikið í umræðunni undanfarin misseri. Nokkuð vantar upp á rannsóknir á þessu sviði á Íslandi en þó hefur orðið umtalsverð vitundarvakning og fólk er farið að láta sig málið varða. Vert er að nefna samstarfsverkefni Landverndar, Kvenfélagasambands Íslands og Vakandi sem nefnist „Zero Waste“ sem gengur út á að vekja fólk til umhugsunar og finna leiðir til að draga úr matarsóun.
Á heimasíðunni matarsoun.is kemur fram að þriðjungur þess matar sem keyptur er inn á heimili fer beint í ruslið samkvæmt Matvælastofnun Sameinuðu þjóðanna (FAO) eða um 1.3 milljón tonn af mat á hverju ári í heiminum. Mat sem er sóað hefði mögulega getað brauðfætt milljónir manna og minnkað þá hungursneyð sem steðjar að ýmis staðar í heiminum. Þar að auki hefur framleiðsla matar oft talsverð neikvæð umhverfisáhrif sem þjóna þá engum tilgangi ef maturinn er ekki nýttur og eykur verulega við magn úrgangs sem þarf að urða.
Fréttin heldur áfram neðan við myndbandið
Könnuðu matarsóun í mötuneyti skólans
Ísland er aðili að sameiginlegu markmiði með ríkjum Evrópusambandsins um að draga úr losun gróðurhúsalofttegunda til ársins 2020. Nemendur í 6. og 7. bekk Borgarhólsskóla á Húsavík ákváðu að láta sig málið varða og ákváðu að gera könnun í eigin mötuneyti, en sagt er frá þessu á heimasíðu skólans.
Nemendurnir vigtuðu mat sem var hent í hverjum árangi í heila viku. Niðurstöður voru notaðar til að reikna út hversu miklum mat væri hent á heilu skólaári. Með því að fá upplýsingar hjá matráði hvað einn matarskammtur er þungur að meðaltali var hægt að reikna út hversu miklum verðmætum er hent á einu skólaári.
Þótt málið sé flókið og margir aðilar komi að því geta nokkrar einfaldar breytingar á venjum okkar og rekstri fyrirtækja haft veruleg áhrif. Á vefsíðunni matarsoun.is er að finna upplýsingar og ýmis ráð fyrir almenning og atvinnurekendur til að minnka matarsóun.
Niðurstöður
-
Nemendur í 1.-10. bekk hentu samtals 42,6 kg á einni viku.
-
Á hverjum degi hendum við því að meðaltali um 8,5 kg af mat úr mötuneytinu.
-
Yfir heilt skólaár má þá gera ráð fyrir að við séum að henda 1530 kg af mat eða rúmu einu og hálfu tonni.
-
Við miðum við að hver matarskammtur sé að meðaltali um 320 gr og kosti 500 krónur samkv. upplýsingum hjá matráði.
-
Samkvæmt niðurstöðum er 4781 matarskömmtum hent á hverju skólaári. Verðmætin sem liggja í því eru um 2,4 milljónir.
Þegar niðurstöður lágu fyrir unnu nemendur veggspjald fyrir hvern árgang með upplýsingum um matarsóun í viðkomandi árgangi. Jafnframt unnu nemendur eitt stórt veggspjald með helstu niðurstöðum sem hanga uppi á Vetrarbrautinni fyrir utan mötuneytið sem allir nemendur skólans sjá þegar gengið er þangað inn.
Nýjast
-
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum
