Margir óttast að missa vinnuna ofan á allt annað
Úlfhildur segir marga búa við afar erfiða stöðu, húsnæðislán sem og önnur lán hækki stöðugt og margir séu skuldugir, kaupmáttur hefur rýrnað og því sjái menn ekki fram á bjarta tíma. Samdráttur t.d. í byggingariðnaði hefur verulega áhrif á störf sem tengjast verslun og þjónustu og getur bitnað harkalega á félögum í Félagi verslunar- og skrifstofufólks. "Þetta fer afar illa með einstaklingana, fólk hefur áhyggjur af fjármálum sínum og ef til vill yfirvofandi atvinnumissi, þetta kemur illa við fjölskyldur og því miður verður oft brestur innan þeirra þegar ástandið er með þessum hætti," segir Úlfhildur. Nefnir hún að það hafi til dæmis þau áhrif að álag á sjúkrasjóð félagsins hefur aukist til mikilla muna á liðnum mánuðum.
"Þegar árferði er með þessum hætti, harkan eykst á öllum sviðum, þá gefast þeir hreinlega upp sem höllum fæti standa. Stundum er gripið til ráða sem ekki samræmast fyllilega ákvæðum kjarasamninga og menn láta ýmislegt yfir sig ganga til að halda sínum störfum, en svo eru aðrir sem eru ekki eins harðir af sér og þola ekki aukið álag," segir Úlfhildur.
Um 40 manns greiða nú til félagsins af atvinnuleysisbótum og eru það mun fleiri en það gerðu á sama tíma í fyrra. Þá nefnir hún að uppsagnir séu í farvatninu og ljóst sé að samdráttur muni koma niður á starfsfólki í verslunar- og þjónustustörfum og því ástæða til að hafa áhyggjur.
Hún segir allt hækka nema launin, verðbólgan sé höfuðóvinurinn og ljóst sé að eitthvað þurfi að gera. Hún gagnrýnir stjórnvöld fyrir aðgerðarleysi á erfiðum tímum, einkum liðsmenn Samfylkingar sem gefa sig út fyrir að vera málssvarar þeirra sem minna megi sín. Lítið hafi farið fyrir þeim í þeirri orrahríð sem yfir hafi staðið undanfarna mánuði. Þá gagnrýnir hún forsvarsmenn Akureyrarbæjar einnig harðlega, en þeir hafa boðað 10% hækkun á gjaldskrá bæjarins. "Þetta er alveg skelfileg staða, að mínu mati eiga opinberir aðilar líkt og bærinn að ganga á undan með góðu fordæmi og halda sem kostur er aftur af öllum hækkunum á meðan ástandið er með þessum hætti," segir Úlfhildur.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.