Málverkagjöfum til seðlabankastjóra mótmælt
Í síðustu viku fór af stað undirskriftasöfnun á Húsavík þar sem þess var krafist að Jóhannes Nordal, seðlabankastjóri með meiru, skili málverkum þeim sem keypt voru fyrir almannafé og honu gefin. Texti undirskriftalistans er eftrfarandi:
Húsvíkingar – Þingeyingar
Á tímum aðhalds og sparnaðar gerist sá fáheyrði atburður að einum embættismanni íslensku þjóðarinnar, Jóhannesi Nordal, eru færðar tvær málverkagjafir að upphæð krónur 480 þúsund. Um leið og við undirritaðir hörmum að opinberar stofnanir ( Seðlabankinn og stjórn Landsvirkjunar) sjái sér fært að verja rúmum þrennum árslaunum verkamanns í gjafir handa einum einstaklingi skorum við á Nordal að skila aftur þessum gjöfum og að andvirði gjafanna verði notað til að fylla upp í fjárlagagat ríkisstjórnarinnar. Allt tal um sparnað og aðhald í ríkisbúskapnum er marklaust ef embættismenn í þjónustu hins opinbera sjá ekki sóma sinn í að afneita slíkum gjöfum.
Að sögn Arnars Björnssonar, eins af aðstandendum listans hefur söfnunuin gengið ljómandi vel og í gær höfðu um 300 manns skrifað nöfn sín á listann á Húsavík. Þá voru enn fremur listar í gangi í Mývatnssveit og á Tjörnesi og í Mývatnssveit höfðu rúmlega 40 manns skrifað sig í gær.
Það er ljóst að undirskrifendur eru úr öllum flokkum. Flestir þeirra gefa þá skýringu á undirskrift sinni að það sé hrein og klár ósvífni við almenning að bruðla svo með almannafé, á sama tíma og ráðamenn krefjast þess að fólk spari og fjöldi heimila berst nú í bökkum við að láta enda ná saman.
Undirskriftasöfnuninni lýkur annað kvöld.
- Víkurblaðið, 22. maí 1984.
Nýjast
-
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum
