Lengi lifi Þór í Þorpinu (lesendabréf)
Ágætum Þórsurum allra tíma óska ég hjartanlega til hamingju með stórsigurinn á Hamri á laugardegi lukkunnar og uppförina í Úrvalsdeild! Ég hefi persónulega aldrei haft yfir Þórsurum að kvarta; margar glæstustu minningar mínar frá Grasinu græna og hinum mjúka Moldarvelli eru stútfullar af rótburstuðum rauðum og hvítum og nægir að stikla á stærri tölum svo sem 5-0, 10-0 og 11-4. Það var reyndar hæfandi hnykkur á eitruðum ferli að leggja upp sex mörk fyrir Donna, Eyfa og Bjössa Gunn og til yndisauka gerði ég tvö síðustu mörkin acapella crescendo. Brennur mér í minni náðarstungan. Þá var sá ágæti drengur Stjáni Júll (markvörður Þórs) kominn í berjamó á bak við nyrðra markið en ég „brjóstaði" blágulan boltann inn og fékk mér í glas á línunni.
Badda vini mínum Guðmunds og hinum fjölmörgu góðkunningjum - Eyrarpúkum ekki síst - í Íþróttafélaginu Þór óska ég gæfu og gengis í efstu deild. Ekki síst í ljósi þess að strákarnir ukkar eru Akureyrarmenn og nærsveitis. Homegrown eins og Neil Young diktaði í denn.
Auðvitað man maður flotta fótboltamenn eins Drésa frænda minn úr Fjólugötunni (Pétur Sigurðsson), yfirvegaðan og spilandi miðvörð við hlið besta varnarmanns Akureyrar, Jón heitinn Stefánsson. Og Trölli var snjall á miðjunni og alltaf dátt með okkur í Sjalla og á KEA-barnum, enda Þórsarar reyndar í fleirtölu í mínum ranni á uppvaxtarárunum. Blessuð sé minning Guðna Jónssonar. Bróðir hans Ævar ætíð snyrtilegur og leikinn bakvörður. Og assgoti var Steingrímur Björnsson lúnkinn að pota tuðrunni inn með blátánni.
Hróður Þórs og Þorpsins berst nú víða á Veraldarvefnum. Þó eru nöturleg ummæli eins stuðningsmanns liðsins sem lengi bjó í London: „Þetta var ekki ónýt helgi eftir allt saman. Þórsarar komnir í efstu deild. Það verður gaman næsta sumar. Þórsarar komnir þangað sem þeir eiga heima. Og ekki skaðar að KA situr þar sem það á heima - svona annars-flokks-eitthvað. Við Þórsarar munum ALDREI fyrirgefa og ALDREI gleyma neinu atriði, hvorki smáu né stóru, sem KA-menn hafa gert okkur í gegnum aldirnar."
Sem óbrotnum KA-strák af Eyrinni leiðist mér lágkúra þessa siglda manns. Vitaskuld er uppför Þórs hrein og bein vítamínsprauta fyrir fótboltann í Perlu Norðursins því nú dugir ekkert annað fyrir Knattspyrnufélagið mitt kæra en að hysja upp um sig brækurnar. Enn og aptur til hamingju þrautseigir Þórsarar! ÁFRAM KA! JÁFRAM VEGINN!
Jói með ljósið í róunni ...
Nýjast
-
Listasafnið á Akureyri: Hekla Björt Helgadóttir með gjörning á Listasumri
Laugardaginn 12. júlí kl. 15 verður boðið upp á gjörning Heklu Bjartar Helgadóttur í Listasafninu á Akureyri í tengslum við þátttöku hennar í samsýningu norðlenskra listamanna, Mitt rými. Viðburðurinn er hluti af Listasumri á Akureyri -
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir.
