LA stendur fyrir málþingi um mansal á Íslandi
Tilkynna þarf þátttöku í málþinginu fyrir kl.12 á hádegi í dag mánudaginn 16. nóvember í miðasölu leikfélagsins í síma 4 600 200 eða kaupa miða á atburðinn á http://www.leikfelag.is/ þátttökugjald er 1.000.- kr. Dóms- og mannréttindamálaráðherra flytur framsögu ásamt Margréti Steinarsdóttur framkvæmdastjóra Alþjóðahúss, Guðrúnu Jónsdóttur forstöðukonu Stígamóta og Fríðu Rós Valdimarsdóttur mannfræðingi og höfundi skýrslunnar Líka á Íslandi. En jafnframt hafa aðstandendur verið í sambandi við Jafnréttisstofu, Mansalshóp á vegum lögreglunnar á höfuðborgarsvæðinu, Háskólann á Akureyri, lögregluna, starfsfólk Sjúkrahússins á Akureyri og fleiri og er vonast til að fólk frá öllum þessum stofnunum muni sjá sér fært að vera á málþinginu.
Þann 9. október sl. frumsýndi Leikfélag Akureyrar leikritið LILJA, eftir Jón Gunnar Þórðarson. Verkið fjallar um mansal og byggir á sannri sögu 16 ára stúlku frá Litháen, sem seld var mansali til Svíþjóðar, þar sem hún var læst inni og neydd til að stunda vændi. Hún slapp út eftir þó nokkurn tíma, en hafði þá í engin hús að venda og sá enga aðra leið en að taka líf sitt. Verkið byggir lauslega á kvikmyndinni Lilja 4 Ever, frá 2002. Um það leyti sem verkið Lilja var frumsýnt, var fyrsta mansalsmálið dómtekið á Íslandi, og ung stúlka frá Litháen, meintur brotaþoli mansals, komst í hendur lögreglunnar á Suðurnesjum. Lilja hefur verið sýnd fyrir fullu húsi hjá Leikfélaginu frá fyrstu sýningu. Sýningin hefur vakið sterk viðbrögð og í umræðum sem boðið hefur verið upp á eftir sýningar hafa leikhúsgestir óhikað tekið til máls og heitar umræður orðið. Það er greinilegt að almenningur hefur alls ekki verið meðvitaður um að mansal væri til á Íslandi og að fólk hefur áhyggjur. Það veltir fyrir sér hvað hægt sé að gera og - hvort eitthvað sé verið að gera. Hvernig hjálpum við brotaþolum mansals og hvernig losum við landið okkar við þessa glæpastarfsemi? Er aðgerðaáætlunin að fullu komin til framkvæmda? Hvað getur almenningur gert?
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.