Kristnnesspítali Ákveðið að opna 7 daga rými á á ný
Kristnesspítali. Ákveðið hefur verið að opna 7 daga rými á ný frá og með 7.-8. febrúar.
Ákveðið hefur verið að opna 7 daga rými á ný á Kristnesspítala frá og með 7.-8. febrúar. Opnuð verður blönduð deild þ.e. dagdeild, 5 daga- og 7 dagadeild en starfsemin verður skert til að byrja með á meðan unnið er að því að manna deildina. Á deildinni verða 18 rými í fyrstu og óljóst í hve langan tíma starfsemin verður skert.
Fyrir áramót sendi SAk út ákall til samfélagsins með það í huga að reyna að manna þjónustu endurhæfingadeildar svo halda megi úti 7 daga deild. Ákallið hefur skilað árangri að hluta, þó vantar enn hjúkrunarfræðinga til starfa. „Við sendum því á ný út ákall eftir hjúkrunarfræðingum í endurhæfingar- og öldrunarlækningaþjónustu SAk,“ segir í tilkynningu frá sjúkrahúsinu.
Horfum á stóru myndina
Sveitarstjórn Eyjafjarðarsveitar ræddi stöðu Kristnesspítala og framtíð starfseminnar þar nýverið. Hefur sveitarstjórn óskað eftir fundi með fulltrúum SAk um framtíðarsýn varðandi starfsemi Kristnesspítala og þær fasteignir sem henni tilheyra á svæðinu.
Finnur Yngvi Kristinsson sveitarstjóri í Eyjafjarðarsveit segir að vonast sé til að sveitarstjórnarmenn geti hitti forstjóra SAk á næstu vikum. Ljóst sé að starfsemin sé brothætt og mönnum eins og hún er nú að þolmörkum komin. „Við erum að horfa á stóru myndina, bæði hvað varðar starfsemina á Spítalanum og einnig þær fasteignir sem ríkið á hér á svæðinu, en ástand þeirra er ekki að batna. Okkur þykir mikilvægt að á því verði unnar bætur,“ segir hann.
Nýjast
-
Kristnnesspítali Ákveðið að opna 7 daga rými á á ný
Ákveðið hefur verið að opna 7 daga rými á ný á Kristnesspítala frá og með 7.-8. febrúar. Opnuð verður blönduð deild þ.e. dagdeild, 5 daga- og 7 dagadeild en starfsemin verður skert til að byrja með á meðan unnið er að því að manna deildina. Á deildinni verða 18 rými í fyrstu og óljóst í hve langan tíma starfsemin verður skert. -
Stefanía og Baldvin eru íþróttakona og karl UFA 2025
Stefanía Daney Guðmundsdóttir og Baldvin Þór Magnússon eru íþróttakona og karl Ungmennafélags Akureyrar fyrir árið 2025. -
Hvernig draga má úr veikindafjarveru á vinnustöðum
Veikindafjarvera hefur áhrif á rekstur, starfsanda og líðan starfsfólks. Þó að veikindi séu eðlilegur hluti af lífinu, sýna bæði íslenskar og alþjóðlegar rannsóknir að stjórnendur vinnustaða geta haft veruleg áhrif á það hvort fjarvera verði stutt og tímabundin eða þróist yfir í langvarandi veikindaleyfi. Með markvissum aðgerðum er hægt að draga úr veikindum, bæta líðan og styrkja vinnustaðamenningu. -
Lögreglan á Norðurleandi eystra - Þrír góðkunnir lögreglumenn setjast í helgan stein
Á dögunum létu þrír góðkunnir lögreglumenn af störfum vegna aldurs en frá þessu er greint á Facebooksíðu embættisins, þar segir: -
Tilboðsfrestur á lóðum á tjaldsvæðisreitnum framlengdur
Akureyrarbær hefur ákveðið að framlengja frestinn til að senda inn tilboð í byggingarrétt lóðanna þriggja á tjaldsvæðisreitnum um einn mánuð. Því er nú hægt að senda inn tilboð í byggingarréttinn til kl. 12.00 þann 12. mars 2026. -
Alveg einn - Nýtt lag með tónlistartvíeykinu Villa & Dandra
Í dag, föstudaginn 30.01.26, kom út lagið Alveg Einn með tónlistartvíeykinu Villa & Dandra. -
Listasafnið á Akureyri Guðmundur Ármann og Björk með nýjar sýningar
Tvær nýjar sýningar verða opnaðar á Listasafninu á Akureyri á laugardag, 31. janúar kl. 15 á fjórðu hæð safnsins. Þetta eru fyrstu sýningaropnanir ársins 2026. . Annars vegar er um að ræða sýningu Guðmundar Ármanns - Aðflæði, og hins vegar sýningu Bjarkar Viggósdóttur - Hreyfingu fyrir sjón. -
Kolfinna ráðin markaðsstjóri hjá Drift EA
Kolfinna María Níelsdóttir hefur verið ráðin leiðtogi markaðs- og viðburðamála hjá Drift EA. Hún bætist þar með í kjarnateymi Driftar EA sem hefur það að markmiði að efla frumkvöðla- og nýsköpunarumhverfi á Norðurlandi. -
Baldvin Þór og Sandra María eru Íþróttakarl- og kona Akureyrar 2025
Hlauparinn Baldvin Þór Magnússon frá UFA er íþróttakarl Akureyrar 2025 og knattspyrnukonan Sandra María Jessen frá Þór/KA er íþróttakona Akureyrar 2025. Sandra María er þar með íþróttakona Akureyrar þriðja árið í röð en Baldvin Þór hlaut nafnbótina síðast fyrir tveimur árum. Í öðru sæti voru þau Hallgrímur Mar Steingrímsson knattspyrnumaður hjá KA og Julia Bonet Carreras blakkona hjá KA. Í þriðja sæti voru þau Alex Cambray Orrason kraftlyftingamaður hjá KA og Hafdís Sigurðardóttir hjólreiðakona hjá HFA. Í fjórða sæti voru þau Unnar Hafberg Rúnarsson íshokkímaður hjá SA og Stefanía Daney Guðmundsdóttir frjálsíþróttakona hjá UFA og í fimmta sæti voru þau Bjarni Ófeigur Valdimarsson handboltamaður hjá KA og Andrea Ýr Ásmundsdóttir golfari hjá GA.
