Karlmaður dæmdur fyrir líkamsárás við Sjallann í vor
Maðurinn var ákærður fyrir líkamsárs, með því að hafa aðfaranótt mánudagsins 12. maí 2008, við skemmtistaðinn Sjallann á Akureyri, slegið konu þungu hnefahöggi í andlitið með þeim afleiðingum að hún hlaut nefbrot með hliðrun á nefi sem leiddi til þess að rétta þurfti nefbrotið í svæfingu, auk þess sem hún hlaut þó nokkuð mar undir báðum augum. Maðurinn játaði sök fyrir dómi. Hann lýsti því fyrir dómi sem og við skýrslutöku hjá lögreglu að brotaþoli hafi áður en þetta atvik varð slegið hann margsinnis í höfuð og hótað honum og unnustu hans illu. Skömmu síðar hafi þau rekist saman í anddyri skemmtistaðarins og brotaþoli þá rekið hnéð í klofið á honum. Hann hafi þá slegið hana eitt högg í andlitið eins og í ákæru er lýst.
Af hálfu ákæruvaldsins var því lýst yfir að það rengdi ekki að árás ákærða hefði átt sér aðdraganda í þessa veru. Með tilliti til þess var talið heimilt að beita refsilækkunarheimild. Með broti sínu rauf ákærði skilorð dóms frá 14. september 2006 þar sem hann var dæmdur í 30 daga fangelsi, skilorðsbundið í tvö ár, fyrir brot gegn umferðarlögum og almennum hegningarlögum. Við ákvörðun refsingar var einnig litið til þess að ákærði hefur gerst sekur um ítrekað ofbeldisbrot. Hann var því dæmdur í fjögurra mánaða fangelsi, skilorðsbundið til þriggja ára og til greiðslu sakarkostnaðar upp á 12.500 krónur. Dóminn kvað upp Erlingur Sigtryggsson héraðsdómari.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.