KA með sterkan útisigur gegn HK í gærkvöld
Blaklið KA í karla-og kvennaflokki voru í eldlínunni í gær á Íslandsmótinu er bæði lið sóttu HK heim í Fagralund. Í karlaflokki hafði KA betur 3:1. HK byrjaði betur og vann fyrstu hrinuna 25:23. Norðanmenn unnu hins vegar næstu þrjár hrinur, 25:22, 25:20 og 25:20. Piotr Kempisty var stigahæstur hjá KA í leiknum með 28 stig en Davíð Búi Halldórsson kom næstur með 12 stig. Í liði HK var Orri Þór Jónsson stigahæstur með 14 stig og Alexander Stefánsson skoraði 10 stig.
Staðan í deildinni er þannig að Stjarnan hefur 14 stig á toppnum, HK er í öðru sæti með 13 stig og KA hefur 12 stig í þriðja sætinu. KA leikur gegn Fylki á morgun kl. 16:00 í Fylkishöllinni og með sigri komast norðanmenn í toppsætið.
Í kvennaflokki snerist dæmið við í Fagralundi, þar sem HK vann nokkuð örugglega 3:0 gegn KA. Kópavogsstúlkur unnu allar hrinurnar með tölunum 25:16, 25:13 og 25:17.
Fríða Sigurðardóttir skoraði 10 stig fyrir HK en Velina Apostolova kom næst með 9 stig. Í liði KA var Eva Sigurðardóttir stigahæst með 8 stig og nýkrýnd blakkona ársins, Birna Baldursdóttir, var með 6 stig.
Þróttur N. er á toppi deildarinnar með 10 stig, HK hefur 9 stig í öðru sæti og Ýmir er í þriðja sætinu með 6 stig ásamt KA, en þau lið mætast í dag kl. 13:30 í Fagralundi.
Nýjast
-
Listasafnið á Akureyri: Hekla Björt Helgadóttir með gjörning á Listasumri
Laugardaginn 12. júlí kl. 15 verður boðið upp á gjörning Heklu Bjartar Helgadóttur í Listasafninu á Akureyri í tengslum við þátttöku hennar í samsýningu norðlenskra listamanna, Mitt rými. Viðburðurinn er hluti af Listasumri á Akureyri -
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir.
