HR og HA í samstarf um BSc-nám í tölvunarfræði
Háskólinn á Akureyri og Háskólinn í Reykjavík mun bjóða upp á BSc-nám í tölvunarfræði á Akureyri frá og með næsta vetri, í samstarfi við Háskólann á Akureyri. Háskólarnir hafa verið í samstarfi um tveggja ára diplómanám í tölvunarfræði undanfarin tvö ár og munu fyrstu nemendurnir sem stundað hafa diplómanámið í tölvunarfræði á Akureyri, í samstarfi HR og HA, útskrifast í vor.
Nám í tölvunarfræði á Akureyri er sveigjanlegt nám, að hluta fjarnám og að hluta staðarnám. Fyrirlestrar eru haldnir í HR og teknir upp og hlaðið á netið eða streymt í kennslustofu í HA. Verklegir tímar og dæmatímar eru hins vegar haldnir í Háskólanum á Akureyri og nemendur njóta í þeim aðstoðar kennara á staðnum. „Með því að bjóða nám í tölvunarfræði á Akureyri, í samstarfi við HA, viljum við koma til móts við nemendur sem búsettir eru á Norðurlandi og jafnframt svara kalli atvinnulífsins eftir fleiri sérfræðingum á sviði upplýsingatækni,“ segir Ari Kristinn Jónsson, rektor Háskólans í Reykjavík, í tilkynningu. „Það er okkur mikil ánægja að geta nú boðið nemendum okkar að ljúka grunnnámi í tölvunarfræði á Akureyri.“
Tölvunardeild Háskólans í Reykjavík er stærsta tölvunarfræðideild landsins. Árið 2016 brautskráðust 189 nemendur frá deildinni. Deildin hefur allt frá stofnun lagt metnað í að útskrifa vel menntað og hæft starfsfólk fyrir upplýsingatæknigeirann ásamt því að undirbúa nemendur fyrir frekara nám. Í dag stunda yfir 800 nemendur nám við deildina á fjölbreyttum sviðum upplýsingatækni, s.s. tölvunarfræði, tölvunarstærðfræði, upplýsingastjórnun og hugbúnaðarverkfræði.
Nýjast
-
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli
