Horft um öxl - Verk Jóns Laxdal í Safnasafninu
Safnasafnið Mynd Daníel Starrason
Í Safnasafninu á Svalbarðsströnd stendur nú yfir sýningin Horft um öxl á verkum Jóns Laxdal (1950–2021).
Á sýningunni má sjá verk frá síðari hluta ferils hans í bland við eldri verk þar sem fundnir hlutir, tungumál og hversdagsleg fyrirbæri fá nýtt hlutverk og nýja merkingu. Jón var áberandi þátttakandi í myndlistarlífi Akureyrar um áratugaskeið. var einn af stofnendum Rauða hússins og kenndi við Myndlistarskólann á Akureyri árin 1984-1994. Verk hans eru varðveitt í opinberri eigu og einkasöfnum bæði hérlendis og erlendis.
Verk Jóns einkennast af mikilli nákvæmni, ljóðrænu næmi og oft á tíðum hárfínni kímni. Á fyrstu árum sínum vann hann einkum með tungumál og táknkerfi, en síðar færðist áherslan í auknum mæli yfir á hluti úr daglegu lífi og nærumhverfi - en á sýningunni í Safnasafninu má meðal annars sjá smækkaðar innkaupakerrur, verslunarpoka og aðra kunnuglega hluti sem vísa til ákveðinnar virkni úr hversdagslífinu án þess að vera raunverulega hagnýtir. Í meðförum listamannsins verða þeir að verkum sem varpa nýju ljósi á hið hversdagslega og kalla fram spurningar um notagildi, merkingu og minni.
Sýningin Horft um öxl stendur yfir í Safnasafninu til 4. október. Í tengslum við sýninguna verður sérstakt sýningarspjall í Safnasafninu sunnudaginn 21. júní þar sem Aðalheiður S. Eysteinsdóttir, sýningarstjóri sýningarinnar, fjallar um verk Jóns Laxdal og feril hans. Aðgangur verður ókeypis.
Safnasafnið er staðsett á Svalbarðseyri í um 10 mínútna akstursfjarlægð frá Akureyri. Safnið er opið til 4. október alla daga frá kl. 10:00 - 17:00.
Jón Laxdal Mynd Aðalheiður S. Eysteinsdóttir
Verk á sýningu Mynd Axel Þórhallsson
Frá opnun sýningarinnar, Aðalheiður sýningarstjóri og Logi Már Einarsson
Menningar-, nýsköpunar- og háskólaráðherra Mynd Cormac Walsh
Nýjast
-
Horft um öxl - Verk Jóns Laxdal í Safnasafninu
Í Safnasafninu á Svalbarðsströnd stendur nú yfir sýningin Horft um öxl á verkum Jóns Laxdal (1950–2021). -
Kaldbakur EA 1 í flotkví Slippsins á Akureyri
Togarinn Kaldbakur EA 1, bolfisktogari Samherja, hefur verið í flotkví Slippsins á Akureyri undanfarna daga. -
Velkomin í þjóðhöfðingjakaffi 17.júní 2026!
Listasysturnar Áslaug og Brynja Harðardætur Tveiten bjóða gestum og gangandi á gluggasýningu á vinnustofu þeirrar síðarnefndu þar sem m.a. má sjá embættismyndir af forsetum Íslands. Sýningin stendur til 22. júní og er aðgengileg allan sólarhringinn þar sem hennar er notið utan frá séð. Systurnar hvetja alla sem eiga leið hjá að staldra við, gleðjast og rifja upp skemmtilegar minningar. -
Kanna útfærslu gjaldfrjálsra bílastæða fyrir eldri borgara
Bæjarráð hefur samþykkt með þremur atkvæðum meirihlutans að fela bæjarlögmanni og sviðsstjóra fjársýslusviðs að kanna útfærslu fyrirkomulags um gjaldfrjáls bílastæði fyrir eldri borgara. -
Óskastund Kristínar Sigfúsdóttur skálds í Sigurhæðum
Fimmtudaginn 18. júní kl 17-18 er boðið til 150 ára fæðingarafmælis Kristínar Sigfúsdóttir skálds frá Helgastöðum í Eyjafirði. Viðburðurinn fer fram í dagstofum Sigurhæða á Akureyri. -
Alþjóðadagur vitundarvakningar um ofbeldi gegn öldruðum 15. júní.
Landssamband eldri borgara vill vekja athygli á því að í dag, 15. júní, er alþjóðadagur vitundaravakningar um ofbeldi gegn öldruðum (World Elder Abuse Awareness Day). Það að Sameinuðu þjóðirnar hafi tileinkað þetta alþjóðlega vandamál, þessum degi, er umhugsunarvert. Það sýnir hversu útbreitt vandamálið er og hversu brýnt er að bregðast við. -
Ný skemma mun bæta aðstöðuna
Til stendur að byggja 540 fermetra stóra skemmu við hlið höfuðstöðva Hafnasamlags Norðurlands við Fiskitanga. Bygging skemmunnar mun gjörbreyta aðstöðu til hins betrafyrir starfsfólk og alla starfsemi Hafnasamlagsins. -
Bíll fyrir BSO!
Þar kom að því að í hlaðið hjá BSO renndi bíll fyrir…… BSO. -
Lokaorðið - Veiðifélagarnir
Ég hef verið svo lánsamur að umgangast fólk sem hefur sömu áhugamál og ég. Það eru forréttindi að geta núllstillt sig með góðu fólki út í náttúrunni, heyra árniðinn og hvininn í línunni áður en hún leggst fallega yfir glæsilegan veiðistað.
