Hnífaburður eykst á Akureyri
Færst hefur í vöxt að fíkniefnaneytendur á Akureyri séu með vopn á sér .
Færst hefur í vöxt að fíkniefnaneytendur á Akureyri séu með vopn á sér og þá eru það helst hnífar sem um er að ræða. „Það er orðið mjög algengt að þeir aðilar sem við höfum afskipti af vegna fíkniefnamála séu með vopn á sér,“ segir Gunnar Jóhannsson rannsóknarlögreglufulltrúi á Akureyri. Hann segir algengast að um einhversskonar hnífa sé að ræða, allt frá eldhúshnífum og litlum vasahnífum upp í stærri hnífa.
„Þetta er sífellt að verða algengara. Oft eru þeir einnig með barefli á sér eins og hafnaboltakylfu eða hnúajárn. Allir hafa þeir sömu sögu að segja; þetta sé þeim til varnar svo þeir geti varið sig ef á þá er ráðist. Það eru alltaf miklar væringar í gangi á milli fíkniefnaneytenda og þeir eru iðulega í allskonar deilum útaf öllu og engu.“
Gunnar segir lögregluna hér ekki hafa orðið vart við skotvopn í fíkniefnaheiminum. „Sem betur fer ekki. Einstaka sinnum hefur komið fyrir að þessi aðilar hafa verið með loftbyssur sem hafa þá iðulega verið keyptar erlendis. Slíkt er alltaf haldlagt og gert upptækt. Þessar loftbyssur eru þá yfirleitt jafnframt eftirlíkingar af raunverulegum byssum.“
Um páskana varð alvarleg líkamsárás í Kjarnaskógi þegar maður var stunginn með hnífi í lærið og mátti litlu muna að illa færi. Spurður hvort aukin vopnaburður sé merki um að meiri harka sé að færast í heim fíkniefnanna á Akureyri segir Gunnar: „Það er svo sem engin stökkbreyting hvað þetta varðar, heldur hefur þetta verið að aukast hægt og rólega.“
Hann segir lögregluna vera vel í stakk búna til að takast á við aukin vopnaburð. „Við erum með ýmis tæki og tól til að glíma við þetta og lögreglumenn eru mjög meðvitaðir um þá staðreynd að þessir einstaklingar eru yfirleitt vopnaðir,“ segir Gunnar.
Nýjast
-
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl.
