Hlynur – félagsheimili eldri borgara á Húsavík og nágrenni
Jón Ingólfsson skar fyrstu sneiðina af hátíðartertunni í Hlyn. Mynd: JS
Félagsmiðstöð eða félagsheimili Félags eldri borgara á Húsavík og nágrenni var formlega opnað með kaffisamsæti s.l. sunnudag. Að sjálfsögðu hefur því verið gefið nafnið Hlynur, enda húsið að Garðarsbraut 44 jafnan gengið undir því nafni frá því Steingrímur Birgisson og Karítas Halldórsdóttr byggðu það 1964 og opnuðu húsgagnaverslun og verkstæði með því hlýlega heiti.
Húsnæðið sem félagið festi formlega kaup á í apríl í fyrra fyrir 32 milljónir króna, er 224 fermetra jarðhæð og 90 fermetra kjallari og suðurendinn hefur verið leigður Rauða krossinum til þriggja ára. Salurinn tekur yfir 100 manns í sæti, þar er rúmgott og vel tækjum búið eldhús, snyrtingar og geymsla. Á veggjum hanga myndir og málverk sem flest hafa verið gefin félaginu. Í glugga í suðurenda hefur verið letrað ljóð Hákons Aðalsteinssonar „Bærinn minn,“ og það er eins og flestir vita sungið við lag eftir einmitt Steina í Hlyn. Félagsmiðstöðin verður opin þriðjudaga, miðvikudaga og fimmtudaga frá kl 13-16.
Anna Sigrún Mikaelsdóttir, formaður félagsins ávarpaði gesti, en um 120 manns litu inn þennan dag og þáðu kaffiveitingar.
„Hér hefur verið unnið þrekvirki hvað endurbætur á húsnæðinu varðar og sjálfboðavinna hefur verið gríðarleg. Margir hafa stutt verkefnið, gefið peninga, bæði félagsmenn og aðrir og einnig félög og fyrirtæki innanhéraðs sem utan og jafnvel utan landsteinanna.“ Sagði formaðurinn.
Gjaldkerinn Eiður Árnason fór yfir framkvæmdasöguna og sagði að hugmyndin um að félagið keypti eigið húsnæði hefði kviknað í hópi manna sem unnu við endurbætur á Snælandi þegar félagið leigði það húsnæði og Jón Ingólfsson hefði fyrstur vakið máls á þessu í janúar í fyrra.
Fjölmargir hafa komið að því að standsetja húsnæðið en Eiður sagði að af öllum öðrum ólöstuðum þá hefðu þeir Eggert Jóhannsson, Pétur Pétursson og Jón Ingólfsson verið í farabroddi sjálfboðaliða frá fyrsta degi. Hann færði þeim þakkir, sem og öðrum sem hönd hafa lagt á plóginn í Hlyn.
Nánari umfjöllun er í Skarpi sem kom út í dag. JS
Nýjast
-
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið.
