Hlökkum til að takast á við verkefnin framundan

03. júní, 2010 - 12:50
Hlökkum til að takast á við verkefnin framundan
„Við erum mjög ánægð með þessi úrslit og okkur lýst vel á komandi kjörtímabil," segir Birna Ágústsdóttir sem skipar 2. sæti á H-lista sem bauð fram í Eyjafjarðarsveit. Listinn fékk fjóra menn kjörna í sveitarstjórn, F-listi þrjá menn, en tveir listar buðu fram. Á kjörskrá í Eyjafjarðarsveit voru 713 manns, 541 kaus og var þátttaka því 75,8%.  

Atkvæði féllu þannig að  H-listinn fékk 277 atkvæði eða 51,2% greiddra atkvæða  og  4 menn kjörna, F-listinn 240 atkvæði eða 44.4% greiddra atkvæða  og 3 menn kjörna. Auðir seðlar og ógildir voru 24. Í sveitarstjórn voru kjörin, þau Arnar Árnason, Hranastöðum, Birna Ágústsdóttir, Rifkelsstöðum, Einar Gíslason, Brúnum og Kristín Kolbeinsdóttir, Vökulandi, af H-lista og af F-lista þau Sigurjón Karel Rafnsson, Skógartröð 5, Bryndís Þórhallsdóttir, Hrafnagilsskóla og Jón Stefánsson, Berglandi.

Birna segir að íbúar sveitarfélagsins séu samhentir og á ekki von á öðru en góðu og farsælu samstarfi við fulltrúa F-listans á komandi ári.  Stefnan sé að veita sem besta þjónustu íbúum til hagsbóta og menn séu tilbúnir að vinna vel til að ná  því markmiði.  „Við hlökkum til að takast á við þau verkefni sem framundan eru," segir Birna. Hún segir að rætt hafi verið við Jónas Vigfússon sveitarstjóra um að gegna starfinu áfram næsta kjörtímabil og segir að hann verði ráðinn náist um það samningar en ella verði staðan auglýst.

„Þó að frambjóðendur F-listans í Eyjafjarðarsveit hefðu vissulega kosið önnur úrslit í nýafstöðnum kosningum getum við að mörgu leyti vel við unað.  F-listinn bætti hlutfallslega við sig mun fleiri atkvæðum en sitjandi meirihluti á milli kjörtímabila.  Það verður að teljast nokkuð gott í ljósi þess að fjárhagsstaða sveitarfélagsins er sterk miðað við önnur sveitarfélög á landinu og tiltölulega lítið hefur verið um átakamál á síðustu misserum. Hlutverk hins ábyrga minnihluta verður því hlutskipti F-listans að þessu sinni á komandi kjörtímabili," segir Karel Rafnsson oddviti F-listans.

Til baka

Nýjast

  • Gamla verslunin í Vaglaskógi jöfnuð við jörðu

    • 17.05.2025
    „Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“

  • Hamrastígur og Kirkjugarðsstígur Finnur ehf bauð lægst í stígagerðina

    • 17.05.2025
    Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.

  • Alþjóðaflugvöllur á Akureyri verði byggður upp

    • 16.05.2025
    Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands

  • Grafalvarleg staða í rekstri PCC Bakka rædd í atvinnuveganefnd Alþingis.

    • 16.05.2025
    Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn.

  • Listasafnið á Akureyri Nýjar sýningar opnaðar

    • 16.05.2025
    Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.

  • Orkey fyrst á Íslandi með sjálfbærni- vottaða framleiðslu á lífeldsneyti

    • 16.05.2025
    Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.

  • Heyrn er ekki munaður – hún er þátttaka

    • 16.05.2025
    Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.

  • Sundlaug Akureyrar lokuð 18.-22. maí – opið lengur í Glerárlaug 18. maí

    • 15.05.2025
    Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.

  • Byggingaréttur á lóðum á Torfunefsbryggju boðin út í maí

    • 15.05.2025
    Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.  
Sjá meira