Hjartastuðtæki í flutningabílum Landflutninga-Samskipa
„Bílarnir okkar eru alltaf á ferðinni og okkur er umhugað um öryggi samferðarmanna okkar," segir Ingi Þór Hermannsson, forstöðumaður Landflutninga um þessa ákvörðun félagsins. Til að byrja með verður hjartastuðtækjum komið fyrir í bílum sem aka milli Reykjavíkur og Norðurlands, Austurlands og Vestfjarða en samkvæmt tölfræðinni er útkallstími vegna hjartaáfalla á þjóðvegum landsins yfirleitt lengri en 5 mínútur. Það getur því skipt sköpum að hafa svona tæki í vöruflutningabílum Landflutninga-Samskipa en tækin eru sömu tegunadar og hjartastuðtækin sem eru í öllum sjúkrabílum landsins, þyrlu Landhelgisgæslunnar og víðar. Tækin eru alsjálfvirk, krefjast ekki sérfræðiþekkingar og eru mjög einföld í notkun. Bílstjórar félagsins verða þjálfaðir í notkun þeirra á næstunni og munu þá geta brugðist hratt við, ef á reynir, og veitt aðstoð.
„Það eru GPS tæki í flutningabílunum og alltaf hægt að staðsetja þá nákvæmlega ef þörf er á aðstoð. Það má því segja að kjörorð okkar- á ferðinni fyrir þig - eigi vel við en með þessu viljum við leggja okkar af mörkum við björgun mannslífa," segir forstöðumaður Landflutninga. Slökkvilið höfuðboragarsvæðisins fær um 300 útköll á hverju ári vegna hjartastopps og samkvæmt upplýsingum á heimasíðu Hjartaverndar deyja árlega um 700 manns á Íslandi vegna sjúkdóma í blóðrásarkerfi, segir í fréttatilkynningu.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.