Hestur slasaðist vegna nagla í reiðvegi
Hesturinn hlaut sár eftir að hafa stigið á naglann.
Hestur hefur verið færður til meðhöndlunar dýralæknis á Akureyri eftir að hafa fengið nagla upp í hófbotninn. Greint er frá þessu á vef Hestamannafélagsins Léttis á Akureyri en atvikið átti sér stað fyrir helgi.
Á vef Léttis segir í tilkynningu frá stjórn félagsins að óttast hafi verið að slíkt myndi gerast vegna þess að efnið sem sett var í reiðveginum fyrir nokkru síðan, „er mikið blandað alskonar drasli, nöglum, glerbrotum og fleira og stórhættulegt hestaumferð,“ en greint var frá því í Fréttablaðinu á dögunum að gler og allskyns óáæskilegir hlutir hafi fundist í reiðveginum.
Síðustu daga hafa forustumenn hestamanna á Akureyri verið í viðræðum við bæjaryfirvöld vegna þessa ofaníburðar.
Hér má sjá naglann sem hesturinn steig á.
„Eftir samtöl okkar í morgun við forsvarsmenn bæjarins þar sem við tilkynntum þeim slysið frá í gær var það endanlega ákveðið að yfirborð reiðvega á Akureyri þar sem þetta mengaða efni er verður fjarlægt eins fljótt sem auðið er,“ segir á vef Léttis.
Eru hestamenn menn beðnir um að fara varlega á þeim reiðvegum þar sem efnið hefur ekki verið fjarlægt. Stefnt er að því að keyra nýju hestvænu efni í yfirborð reiðvega þessari viku.
Nýjast
-
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið. -
“Jákvæð viðbrögð” um veiðigjaldið?
Heimir Örn Árnason skrifar um viðbrögð við veiðigjaldinu -
Vinnustaðir á Húsavík bjóða upp á íslenskukennslu á vinnutíma
„Við byrjuðum fyrir um þremur vikum síðan og erum með sjö manns sem sitja námskeiðið,“ segir Ármann Örn Gunnlaugsson, framkvæmdastjóri Sjóbaðanna í samtali við Vikublaðið.
