Helga hjólaði frá Akureyri til Reykjavíkur
„Þetta var alveg yndislegt og ég naut þess út í ystu æsar," segir Helga Halldórsdóttir sem á dögunum tók sig til og hjólaði frá Akureyri til Reykjavíkur. Helga er 65 ára gömul og var komin yfir sextugt þegar hún keypti sitt fyrsta hjól, notaði til þess peninga sem hún fékk í afmælisgjöf. Áður hefur Helga m.a. hjólað á Sauðárkrók, að Laugum og skroppið í kaffi á Dalvík á reiðhjóli sínu eða tekið Eyjafjarðarhringinn og fleira.
„Mig hefur lengi langað og hjóla til Reykjavíkur og lét verða af því núna," segir hún, en með í för var eiginmaður hennar sem ferðaðist á bíl og dró hjólhýsi sem þau gistu í. Helga hjólaði í fjórum áföngum suður, sá fyrsti var í Varmahlíð, þá að Laugabakka, síðan örlítið inn í Hvalfjörðinn og loks til höfuðborgarinnar. Að jafnaði hjólaði hún um eða yfir 100 kílómetra á dag, en lengsta dagleiðin var 166 kílómetrar.
Veðráttan var af ýmsu tagi, það var sól og blíða, hvassviðri og stundum slagveðursrigning. Víða var mikil umferð að sögn Helgu, m.a. úr Borgarnesi og niður í Hvalfjörð. Ökumenn segir hún langflesta tillitsama gagnvart reiðhjólafólki, en hafa þurfi varann á þegar hjólað er eftir umferðarþungum þjóðvegum. Gæta þurfi að miklu sogi sem myndist þegar stórir flutningabílar aki framhjá og auðveldlega geti feykt fólki ofan í næsta skurð og þá séu sumir tjaldvagnar og fellihýsi mun breiðari en bifreiðar sem draga þá, „það munaði ekki alltaf miklu að þessi aftanívagnar strykjust í mann, en slapp til," segir Helga.
Slakaði á seinni partinn
„Ég lagði alltaf snemma af stað á morgnana, um kl. 7 en þá er umferðin minni og hjólaði fram á daginn en slakaði svo á seinnipartinn, fór í sund og hafði það notalegt," segir hún og kveðst ekki hafa verið að flýta sér neitt. „Ég bara naut þess að vera á ferðinni og hafa gaman af," segir hún.
„Ég gerði þetta bara fyrir sjálfa mig, ég var ekki að keppa við neinn," bætir hún við og bendir á að aldrei sé of seint að byrja að hjóla líkt og dæmið um hana sanni. „Ef menn langar að gera eitthvað er um að gera að láta drauminn rætast, ég er svo heppin að vera frísk og í góðu formi þannig að þetta gekk allt saman upp," segir hún. Helga keypti betra hjól fyrir ferðina, 27 gíra sem reyndist að sögn mjög vel „ég var viðbúin því en það kom ekkert upp á, þetta var bara æðislegt."
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.