Heimsmet sett í Dagmálaláginni í Húsavíkurfjalli!
Þessi tafla er auðvitað stórmerkileg heimild um snjóalög á Húsavík síðustu 42 árin.
Að venju fylgjast margir Húsvíkingar með brottfarardegi fannarinnar í Dagmálaláginni í Húsavíkurfjalli. Þetta hafa menn reyndar gert áratugum saman, jafnvel í aldir. Og í gamla daga segir sagan að sjómenn á Húsavík hafi ekki talið skynsamlegt að hefja róðra fyrr en fönnin væri farin. Margt bendir þó til að þessi þjóðsaga standist ekki rök.
Brotfarardagurinn hefur verið skrásettur samviskusamlega allt frá árinu 1976, fyrst á skrifstofum Kaupfélags Þingeyinga og síðan á sama stað, á 3. hæð Kaupfélagshússins af starfsfólki fyrirtækja sem þar eru til húsa og hafði Egill Olgeirsson umsjón með framkvæmd könnunar á fönninni lengst af, en nú hefur Ari Páll Pálsson tekið við hinu mikilvæga embætti fannarkönnuðar og fylgist grannt með. Og hannn sendi frá sér eftirfarandi yfirlýsingu 29. maí s.l.:
„Þá er snjórinn í Dagmálalág allur, 29. maí, 2017, og hefur ekki horfið þetta snemma þau 42 ár sem gögn af 3. hæðinni á Garðarsbraut 5 ná yfir (1976-2017). Fyrra metið var 30. maí 2003, en fyrir aðeins 3 árum var met slegið í hina áttina, þegar snjórinn fór ekki fyrr en 11. september árið 2014.“
Þarna var sem sé slegið met og það að sjálfsögðu heimsmet - því hvergi í heiminum hefur fönnin farið fyrr úr Dagmálaláginni en nú frá því mælingar hófust. JS
Nýjast
-
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið.
