Hagnaður Norðurorku tæplega hálfur milljarður
Norðurorka
Rekstur Norðurorku gekk vel á árinu 2017 en ársvelta samstæðunnar var 3,5 milljarðar króna. Hagnaður ársins var 498 milljónir króna eftir skatta og eigið fé 8,6 milljarðar króna. Þetta kom fram á aðalfundi Norðurorku í síðustu viku.
Á aðalfundinum var ákveðið að greiða hluthöfum 15% arð af hlutafé eða 127 milljónir króna. Samstæðureikningur samanstendur af rekstri Norðurorku og dótturfélagsins Fallorku ehf. auk áhrifa frá hlutdeildarfélögunum Tengir hf. og Norak ehf. en rekstur þeirra allra gekk vel á árinu. Fjárfesting samstæðunnar í endurbótum á kerfum og nýframkvæmdum var 1565 milljónir króna sem var lægra en áætlanir gerðu ráð fyrir ekki síst þar sem framkvæmd við hreinsistöð fráveitu dróst. Til fjárfestinga árið 2018 eru áætlaðir tæpir 1,8 milljarðar króna en verkefni næstu ára eru stór og fjárfrek, einkum í fráveitu og hitaveitu.
Í tilkynningu segir að á móti hillir undir að stórverkefni Fallorku þ.e. ný virkjun í Glerá verði gangsett á vormánuðum 2018. Framkvæmdir við byggingu hreinsistöðvar fráveitu við Sandgerðisbót eru í farvatninu og áætluð verklok upp úr áramótum 2020 fáist tilboð í verkið. Þá er að fara í framkvæmd borun viðbótarholu á Arnarnesi sem og fyrsti hluti nýrrar Hjalteyrarlagnar þ.e. lögn frá Glerártorgi og norður úr þéttbýlinu á Akureyri. Áætlaður heildarkostnaður næstu ára við vatnsaukningu frá Arnarnesi, þ.e. lagnir og borun er um 2,2 milljarðar. Þá er í framkvæmd verkefnið að virkja neysluvatn úr Vaðlaheiðargöngum sem unnið er í samstarfi við Vaðlaheiðargöng hf.
„Þrátt fyrir að okkar bíði stór og mikil verkefni í framtíðinni er það von okkar að verðskrár fyrirtækisins verði til lengri tíma litið áfram með þeim hagstæðustu þegar horft er til fyrirtækja í sambærilegum rekstri. Sem samfélagi og einstaklingum er okkur hollt að muna að auðlindir okkar í heitu og köldu vatni eru ekki óþrjótandi. Mikið fjármagn þarf til að afla og vinna nýjar auðlindir og til uppbyggingar á kerfum til að auka flutningsgetu þeirra. Sóun á heitu vatni og neysluvatni eykur og hraðar fjárfestingaþörf í innviðum sem aftur kallar á hækkanir á verðskrá félagsins. Því er mikilvægt að halda til haga þeim tækifærum sem felast í því að fara vel með og forðast sóun á auðlindunum,“ segir í tilkynningu.
Í stjórn Norðurorku voru kjörin Edward Hákon Huijbens, Friðbjörg Jóhanna Sigurjónsdóttir, Geir Kristinn Aðalsteinsson, Ingibjörg Ólöf Isaksen og Gunnar Gíslason. Í varastjórn voru kjörin, Eva Hrund Einarsdóttir, Arnar Þór Jóhannesson, Óskar Ingi Sigurðsson, Margrét Kristín Helgadóttir og g Matthías Rögnvaldsson.
Eigendur félagsins eru sex sveitarfélög, Þingeyjarsveit, Grýtubakkahreppur, Svalbarðsstrandarhreppur, Eyjafjarðarsveit, Akureyrarbær og Hörgársveit.
Nýjast
-
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli.