„Hætta að þagga þetta niður"
Hér má sjá af kannabisefni sem lögreglan á Akureyri hefur lagt hald á. Kannabisefni eins og marijúana, sem ræktað er hér á landi, er algengasta efnið til neyslu.
Fíkniefnamál á Akureyri hafa verið talsvert til umfjöllunar undanfarnar vikur og mánuði og fréttir borist af hnífaárásum þeim tengdum. Þá hefur færst í aukana að aðilar í fíkniefnaheiminum beri vopn á sér eins og fjallað var um í blaðinu fyrir skemmstu.
Vikudagur ákvað að kanna ástandið á Akureyri varðandi fíkniefnanotkun og ræddi við lögreglu, fulltrúa foreldrasamtaka og forvarnarfulltrúa bæjarins.
Heimir Jóhannsson hjá Samtaka, samtök foreldrafélaga á Akureyri, segir í skriflegu svari við fyrirspurnum blaðsins hafa áhyggjur af stöðunni.
„Fíkniefnaheimurinn á Akureyri er mun stærri en fólk gerir sér grein fyrir. Fíkniefni eru að finnast á unglingum í 7. bekk sem er agalegt. Það er aukning á notkun hjá öllum aldurshópum. Nokkur harka er í þessum heimi og því miður er fólk hér hrætt við að láta í sér heyra um þessi mál,“ segir Heimir og bætir við: „Við höfum heyrt um hótanir, fjárkúgun, ofbeldi, skemmdir á bílum, húsum og fleira.“
Heimir segir að nákvæmar tölur um neyslu og tegundir efna í umferð liggi ekki fyrir sér að vitandi og kvartar yfir því að lögreglan gefi ekki meira upp um þessi mál. Hann bendir líka á að Rósenborg, sem er félags, tómstunda og íþróttamiðstöð á vegum Akureyrarbæjar og hefur m.a. forvarnamál á sinni könnu, forðist opna umræðu um þessa hluti.
„Því miður eru bæði lögregla og Rósenborg mjög lokuð með þessi mál. Það má ekki mikið tala um þau og vilja þau ekki ala á hræðsluáróðri. Við í Samtaka reyndum ítrekað að fá þau til að opinbera þessar tölur eða tala um málin sem hafa komið upp hér í bæ,“ segir Heimir.
Gunnar Jóhannsson, lögreglufulltrúi á Akureyri, segir við fyrirspurn blaðsins að fíkniefnanotkun hafi hægt og sígandi aukist undanfarin ár. Spurður um helstu efnin segir hann að þetta séu fyrst og fremst kannabisefni eins marijúana, sem ræktað er hér á landi, sem er til neyslu.
Þetta er aðeins brot úr ítarlegri umfjöllun sem nálgast má í heild sinni í prentútgáfu Vikudags.
Nýjast
-
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið.
