Fyrrverandi formaður Hjólreiðafélags Akureyrar kærður vegna meintrar fjármálaóreiðu
Hjólreiðafélag Akureyrar (HFA) hefur lagt fram kæru til lögreglu á hendur fyrrverandi formanns félagsins vegna meints fjármálamisferlis. Samkvæmt heimildum Vikudags vöknuðu grunsemdir í desember á síðasta ári um óeðlilega meðferð formannsins fyrrverandi á fjármunum félagsins. Maðurinn sagði stöðu sinni sem formaður lausri í janúar sl. vegna málsins.
Ekki hefur fengist staðfest um hversu háar fjárhæðir er að ræða eða nákvæmlega með hvaða hætti meint brot felast. Rannsóknarlögreglan á Akureyri staðfesti í samtali við Vikudag að HFA hefur lagt fram kæru en að rannsókn málsins sé ekki hafin. Lögreglan gat ekki gefið frekari upplýsingar um málið.
Vikudagur leitaði viðbragða frá stjórnarmeðlimum HFA en engin vildi tjá sig að stöddu en bentu á að fjallað verði um málið á Aðalfundi félagsins sem fram fer á morgun, laugardag klukkan 13.
Formaðurinn fyrrverandi viðurkenndi í samtali við Vikudag að hann hafi ekki staðið nógu faglega að málum er varða fjármál félagsins en vonaðist til að greiða mætti úr þeim ágreiningi sem myndast hefur á milli hans og stjórnar HFA .
„Á þeim tíma sem ég hef starfað við uppbyggingu Hjólreiðafélags Akureyrar hafa ýmis verkefni fallið mér á herðar eins og gerist í félögum í hraðri uppbyggingu, þar á meðal umsjón með fjármálum félagsins. Ég viðurkenni fúslega að ég tókst ekki á við það verkefni með nægilega skýrum og faglegum hætti og það þykir mér ákaflega leitt. Það er eindreginn vilji minn að bæta úr því eins vel og hratt og hægt er.
Þó ég harmi að málið sé komið á þennan stað, og voni að það verði ekki til þess að bera skugga á starfsemi félagsins, tel ég það jákvætt að lögregla fari yfir gögn og ágreining aðila,“ sagði formaðurinn fyrrverandi í skriflegri yfirlýsingu til Vikudags.
Nýjast
-
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum
