Frí námsgögn í grunnskólum Akureyrar í haust
Frá og með næsta hausti fá grunnskólabörn á Akureyri m.a. stílabækur og ritföng að kostnaðarlausu í skólunum.
Bæjarráð Akureyrar hefur heimilað fræðslusviði bæjarins að vinna áfram að því að gera hluta af námsgögnum grunnskóla Akureyrarbæjar gjaldfrjálsan og leita allra leiða til að ná sem heildstæðustu og hagstæðustu innkaupum. Fræðsluráð hafði áður lagt til að öllum grunnskólabörnum í grunnskólum Akureyrarbæjar verði veittur hluti nauðsynlegra námsgagna þeim að kostnaðarlausu frá og með hausti 2017. Áætlaður kostnaður er um 16 milljónir króna.
Dagbjört Pálsdóttir, formaður fræðsluráðs, segir þetta vera mikilvægt skref í innleiðingu barnasáttmála Sameinuðu þjóðanna. „Akureyri hefur fyrst sveitarfélaga á Íslandi ákveðið að innleiða barnasáttmálann. Þetta er einnig mikilvægt skref í að jafna að búnað allra nemenda því svigrúm foreldra til námsgagnakaupa er mismunandi og gátu útgjöld heimila með mörg börn á grunnskólaaldri verið mörg tugi þúsunda í hverjum ágústmánuði,“ segir Dagbjört sem tók við formennsku í fræðsluráði í lok síðasta árs.
„Ég fór strax að kanna hvort grundvöllur væri fyrir því að hluti námsgagna verði gjaldfrjáls. Í síðustu viku fól bæjarráð okkur í fræðsluráði að vinna áfram að þeim áformum. Þetta þýðir að allir nemendur hafa aðgang að stílabókum, blýöntum, strokleðri, litum, skærum, lími og vasareikni í skólanum. Foreldrar þurfa áfram að standa straum af kostnaði við íþróttaog sundföt ásamt því að útvega skólatösku. Ég vil hins vegar hvetja foreldra og nemendur til að nýta það sem er til heima til þess að sporna við sóun,“ segir Dagbjört.
Undanfarin misseri hefur umræðan um gjaldfrjáls námsgögn í grunnskólum farið vaxandi. Síðastliðinn vetur fengu stjórnvöld afhentan undiskriftalista frá hátt í sex þúsund manns þar sem skorað var á þau að beita sér fyrir breytingu á grunnskólalögum þannig að námsgögn í grunnskólum verði gjaldfrjáls. Þá hafa Barnaheill einnig talað fyrir því að grunnskólaganga barna verði alveg gjaldfrjáls.
Nýjast
-
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið. -
“Jákvæð viðbrögð” um veiðigjaldið?
Heimir Örn Árnason skrifar um viðbrögð við veiðigjaldinu -
Vinnustaðir á Húsavík bjóða upp á íslenskukennslu á vinnutíma
„Við byrjuðum fyrir um þremur vikum síðan og erum með sjö manns sem sitja námskeiðið,“ segir Ármann Örn Gunnlaugsson, framkvæmdastjóri Sjóbaðanna í samtali við Vikublaðið.
