Framleiðslu- og Íslandsmet slegin daglega til áramóta
Olga Gísladóttir vinnslustjóri í Silfurstjörnunni / myndir Axel Þórhallsson/samherji.is
Liðlega tvö þúsund tonn af laxi hafa verið unnin á þessu ári í Silfurstjörnunni, landeldisstöð Samherja fiskeldis ehf. í Öxarfirði.
Árið 2023 voru unnin þar tæplega 1800 tonn, sem var hið mesta hér á landi af öllum landeldisstöðvum. Þetta þýðir í raun að nýtt Íslandsmet verður slegið á degi hverjum til áramóta í Öxarfirði.
Allar aðstæður til landeldis og framleiðslu á hágæðaafurðum eru ákjósanlegar í Öxarfirði en Silfurstjarnan nýtir græna orku, jarðvarma og kristaltært borholuvatn til framleiðslunnar. Fiskeldi sem fer fram í kerjum eins og hjá Silfurstjörnunni gefur kost á góðri stjórn á öllum stigum framleiðslunnar.
Starfsfólk Samherja fiskeldis býr yfir mikilli reynslu og faglegri sérhæfingu varðandi alla þætti fiskeldis, enda hefur Samherji komið að landeldi á laxi í yfir tuttugu ár.
Silfurstjarnan hefur gengist undir miklar endurbætur á undanförnum árum. Í síðasta mánuði var því fagnað að framkvæmdum er svo að segja lokið og er framleiðslugeta stöðvarinnar um 3.000 tonn á ári en var áður um 1.800 tonn.
97,3 prósent í hæsta gæðaflokk
Byggð voru ný eldisker sem eru tvöfalt stærri að umfangi en kerin sem fyrir voru. Þá hefur sjótaka verið aukin til muna, sett upp ný hreinsitæki, auk þess sem stoðkerfi og margvíslegur tækjabúnaður hefur verið endurnýjaður. Nýtt seiðahús var tekið í notkun í fyrra og á þessu ári hófst starfsemi í nýju vinnsluhúsi sem er tæknilega vel búið á allan hátt.
Lax frá Silfurstjörnunni er eftirsótt hágæðavara á kröfuhörðum mörkuðum, enda hafa 97,3 prósent framleiðslu þessa árs farið í hæsta gæðaflokk. Meðal þyngd laxins er 5,26 kíló.
Árið 2023 hófst sala á ferskum landlaxi og landbleikju frá Samherja fiskeldi á innlendum neytendamarkaði undir eigin nafni og skemmst frá því að segja að viðtökur hafa verið afar jákvæðar.
Endurbætur tókust vel
„Það er alltaf gaman þegar met eru slegin, ég tala nú ekki um að gera slíkt allar vikur fram að áramótum. Starfsmenn Silfurstjörnunnar eru í dag um 40 sem þýðir að þetta er stærsti vinnustaðurinn á svæðinu fyrir utan sjálft sveitarfélagið. Endurbæturnar tókust afskaplega vel og kaupendur lofa gæði framleiðslunnar, þannig að ég get ekki annað en verið ánægður og bjartsýnn á framtíðina,“ segir Elvar Steinn Traustason rekstrarstjóri Silfurstjörnunnar.
Tæknivædd vinnsla léttir störfin
Olga Gísladóttir vinnslustjóri segir að starfsfólkið hafi þegar náð góðum tökum á nýjum og endurbættum búnaði.
„Hérna starfar samhentur hópur sem einsetur sér að framleiða hágæða vöru fyrir kröfuharða viðskiptvini. Nýja vinnslan er vel búin og gerir okkur kleift að framleiða allt að 100 tonn á viku af afurð í hæsta gæðaflokki.
Tæknivæddur búnaður léttir störfin, svo sem róbótar, þannig að breytingin er umtalsverð. Það er gaman að sjá flutningabíla fara reglulega héðan full lestaða með gæðaafurðir, við getum sannarlega sagt að Öxarfjörðurinn sé öflugt matvælahérað. Og það var ekki amalegt að fagna því með veglegri tertu að 2.000 tonna múrinn hafi verið rofinn,“ segir Olga Gísladóttir.
Samherji.is sagði fyrst frá
Nýjast
-
Framleiðslu- og Íslandsmet slegin daglega til áramóta
Liðlega tvö þúsund tonn af laxi hafa verið unnin á þessu ári í Silfurstjörnunni, landeldisstöð Samherja fiskeldis ehf. í Öxarfirði. -
Framleiðslu- og Íslandsmet slegin daglega til áramóta
Liðlega tvö þúsund tonn af laxi hafa verið unnin á þessu ári í Silfurstjörnunni, landeldisstöð Samherja fiskeldis ehf. í Öxarfirði. -
Þriðjudagsfyrirlestur í Listasafninu í dag
Þriðjudaginn 28. október kl. 16.15 heldur Elín Berglind Skúladóttir, sjónlistakennari og listakona, Þriðjudagsfyrirlestur í Listasafninu undir yfirskriftinni Að ná tökum á tækni. Þar mun hún fjalla um leirlífið, námskeiðin, myndlistarkennsluna, Þúfu46 og framhaldið. Aðgangur er ókeypis. -
Bókarkynning Segir mamma þin það?
Hjá Bókaútgáfunni Hólum var að koma út bókin Segir mamma þín það? eftir Guðjón Inga Eiríksson. Hún inniheldur gamansögur úr skólum, vítt og breitt um landið, og auðvitað koma Akureyringar þar við sögu. Hér á eftir verður gripið niður í bókina: -
Smáhýsi fyrir sértæk búsetuúrræði á tveimur svæðum
Skipulagsráð Akureyrarbæjar hefur lagt til að samþykktar verði tillögur um tvö svæði í bænum undir smáhýsi fyrir sértæk búsetuúrræði. -
Sunna Valsdóttir hópstjóri hundaheimsóknarvina Rauða krossins við Eyjafjörð
„Enginn heimsókn er eins, en þær eiga það allar sameiginlegt að vera yndislegar og mér verður hlýtt í hjartanu í hvert skipti,“ segir Sunna Valsdóttir sem er hundavinur á vegum Rauða krossins við Eyjafjörð. Hún hefur verið heimsóknarvinur með hund frá árinu 2022 og starfar nú sem hópstjóri í verkefninu sem hún segir að sé gefandi og skemmtilegt. Siberian Husky hundar hennar, Logi og Kolur vekja alltaf lukku þegar þeir mæta í Brekkukot en þangað mæta þeir með Sunnu sinu sinni í viku. -
Vegur sorgarinnar - Bleikur október
Nú er langt liðið á október mánuð, sem oft er nefndur bleikur október og tileinkaður baráttunni við krabbamein. Flest okkar eigum við ættingja eða vini sem hafa þurft að berjast við þennan skæða óvin, fyrir utan þá sem hafa þurft að berjast gegn honum óumbeðið. Margir falla í valinn eftir erfiða baráttu en sem betur fer eru einnig margir sem knýja fram sigur. Þessa dagana hugsa ég mikið til Brynju systur minna sem lést eftir afar erfiða og snarpa baráttu við hið illvíga mein, en hún lést um fjórum mánuðum frá því að hún var greind. Það er mikið áfall að greinast með krabbamein, einnig fyrir aðstandendur. Við tekur mikil óvissa og mikilvægt að þétta hópinn í kringum þann sem hefur greinst með krabbamein. Baráttan er oft löng og ströng, en stundum er hún snörp og sjúkdómurinn illvægur og gefur engin grið. -
Vegur sorgarinnar - Bleikur október
Nú er langt liðið á október mánuð, sem oft er nefndur bleikur október og tileinkaður baráttunni við krabbamein. Flest okkar eigum við ættingja eða vini sem hafa þurft að berjast við þennan skæða óvin, fyrir utan þá sem hafa þurft að berjast gegn honum óumbeðið. Margir falla í valinn eftir erfiða baráttu en sem betur fer eru einnig margir sem knýja fram sigur. Þessa dagana hugsa ég mikið til Brynju systur minna sem lést eftir afar erfiða og snarpa baráttu við hið illvíga mein, en hún lést um fjórum mánuðum frá því að hún var greind. Það er mikið áfall að greinast með krabbamein, einnig fyrir aðstandendur. Við tekur mikil óvissa og mikilvægt að þétta hópinn í kringum þann sem hefur greinst með krabbamein. Baráttan er oft löng og ströng, en stundum er hún snörp og sjúkdómurinn illvægur og gefur engin grið. -
Þarf alltaf að vera sól?
Hvað liggur konu á rúmlega miðjum aldri á hjarta nú þegar haustið minnir á sig með beljandi rigningu og ekki er undan neinu að kvarta.
