Fram stöðvaði sigurgöngu Akureyrar
Eftir níu sigurleiki í röð í N1-deild karla í handbolta kom að því að Akureyri tapaði leik en það voru Framarar sem stöðvuðu sigurgöngu norðanmanna með 34:30 sigri í Íþróttahöllinni á Akureyri í dag. Það gekk allt upp hjá Fram í leiknum. Sóknin var frábær, sem og vörn og markvarsla og sigurinn fyllilega verðskuldaður.
Að sama skapi gekk lítið hjá heimamönnum sem voru arfa slakir í sókn og vörn. Sveinbjörn Pétursson náði sér ekki á strik í marki heimamanna í kjölfarið og munaði það um minna fyrir norðanmenn. Akureyringar halda toppsætinu engu síður með 18 stig, en Framarar eru nú aðeins tveimur stigum á eftir þeim í öðru sæti.
Bæði liðin gerðu mikið af klaufalegum mistökum í byrjun leiks, sem var jafn framan af. Framarar fóru að síga framúr um miðjan hálfleikinn og var það ekki síst fyrir magnaða frammistöðu Magnúsar Gunnars Erlendssonar í marki gestanna, en hann varði alls 15 skot í fyrri hálfleik. Fram náði þriggja marka forystu, 9:6, um miðjan hálfleikinn og varð munurinn mestur fjögur mörk.
Framarar urðu svo fyrir miklu áfalli þegar Magnús Gunnar var rekinn af velli fjórum sekúndum fyrir lok hálfleiksins, er hann bókstaflega hljóp Bjarna Fritzson niður sem var kominn upp í hraðarupphlaup. Sorgleg niðurstaða fyrir Framara og sérstaklega Magnús sjálfan sem hafði verið frábær í markinu, en réttur dómur engu að síður. Oddur Gretarsson skoraði úr vítakasti á síðasta skoti fyrri hálfleiks og staðan 15:13 í leikhlé fyrir Fram.
Eflaust héldu margir að brottvísun Magnúsar yrði til þess að kveikja enn frekar í Akureyrarliðinu sem höfðu náð ágætum endaspretti undir lok fyrri hálfleiks. Svo var hins vegar ekki. Ástgeir Sigmarsson tók við keflinu af Magnúsi í marki Fram í seinni hálfleik og norðanmenn voru fljótir að skjóta hann í gang en hann varði alls 8 skot. Fram náði í kjölfarið að auka við forskotið sem varð mest sjö mörk og reyndist það of mikill munur fyrir Akureyri að vinna upp og fjögurra marka sigur Fram, 34:30, staðreynd.
Mörk Akureyrar: Bjarni Fritzson 8 (3 úr víti), Oddur Gretarsson 6 (1 úr víti), Heimir Örn Árnason 5, Guðmundur Hólmar Helgason 4, Hörður Fannar Sigþórsson 3, Geir Guðmundsson 2, Bergvin Gíslason 1.
Varin skot: Sveinbjörn Pétursson 8, Stefán Guðnason 9.
Mörk Fram:Róbert Aron Hostert 8, Haraldur Þorvarðarson 6, Einar Rafn Eiðsson 5 (2 úr vítum), Magnús Stefánsson 5, Jóhann Gunnar Einarsson 4, Matthías Daðason 3, Halldór Jóhann Sigfússon 3.
Varin skot: Magnús Gunnar Erlendsson 15, Ástgeir Sigmarsson 8.
Nýjast
-
Listasafnið á Akureyri: Hekla Björt Helgadóttir með gjörning á Listasumri
Laugardaginn 12. júlí kl. 15 verður boðið upp á gjörning Heklu Bjartar Helgadóttur í Listasafninu á Akureyri í tengslum við þátttöku hennar í samsýningu norðlenskra listamanna, Mitt rými. Viðburðurinn er hluti af Listasumri á Akureyri -
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir.
