Fosshótel vilja í Hafnarstræti 98 á Akureyri
Ólafur Torfason stjórnarformaður og aðaleigandi Fosshótela, segir að hér sé um mjög spennandi kost að ræða. Hugmyndin sé að byggja 62 herbergja hótel með nýtingu byggingaréttar austan gamla hússins. Hann segir að skilyrði fyrir rektstrarhæfri einingu sé að komast í 60-70 herbergi, en það náist aðeins með tveimur hæðum til viðbótar á byggingarrétti austan gamla hússins. Þetta er tveimur hæðum hærra en núverandi skipulag gerir ráð fyrir. Viðbyggingin með kjallara yrði þá alls 7 hæðir og að minnsta kosti sú efsta inndregin. Ólafur segir að þessar hugmyndir hafi verið kynntar bæjaryfirvöldum en breyta þurfi deiliskipulagi, eigi þær að ganga eftir. Hann segir að skipulagsmál taki alltaf einhvern tíma en ef þessar hugmyndir gangi upp verði hægt að hefja framkvæmdir um leið og tilskilin leyfi fást og taka hótelið í notkun á vormánuðum 2012. Heildarkostnaður við að gera upp gamla húsið og reisa viðbygginguna er áætlaður allt að 700 milljónir króna.
"Þarna myndu skapast 30-40 störf á framkvæmdatímanum og við hótelið myndu svo starfa 20-30 manns í framtíðinni," segir Ólafur. Fosshótel reka alls 11 hótel, í Reykjavík og víða um land, m.a. á Húsavík, Laugum og Dalvík. Ólafur rekur jafnframt þrjú önnur hótel í Reykjavík, Grand Hótel Reykjavík, Hótel Reykjavík og Hótel Reykjavík Centrum.
"Við erum með mjög öfluga markaðssetningu á okkar vegum, sem myndi nýtast mjög vel á Akureyri líka. Við höfum verið með það á stefnuskránni að vera á fjórum lylkilstöðum á landinu og þar á meðal er Akureyri. Ég hef verið að leita að svæði í bænum til að koma upp gistiaðstöðu og m.a. skoðað nýja miðbæinn og Sjallareitinn. En svo kom Hafnarstrætið upp fyrir nokkrum mánuðum og menn hafa verið að reyna þróa þetta. Það er spennandi að taka þátt í gera upp svona gamalt hús, við gerðum það í Aðalstræti í Reykjavík að hluta til og það tókst mjög vel," segir Ólafur.
Hann segir að alls ekki standi til að skemma götumyndina í Hafnarstræti, gamla húsið yrði byggt upp í upprunalegri mynd, viðbyggingin kæmi á bak við og myndi hafa lítil áhrif á útlit miðbæjarins. "Það er óprýði af þessu húsi í Hafnarstræti eins það er og því orðið brýnt að ráðast í að gera það upp."
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.