Forsvarsmenn Auto óska eftir fundi um stöðu mála hjá Auto
Mynd frá HNE.
„Það er jákvætt skref að fyrirtækið hafi loks haft samband og óskað eftir samstarfi um aðgerðaráætlun til að bregðast við kröfum HNE um tiltekt á lóðinni,“ segir Leifur Þorkelsson framkvæmdastjóri Heilbrigðiseftirlits Norðurlands um ósk fyrirtækisins Auto ehf. sem hefur starfsemi að Setbergi á Svalbarðsströnd að ræða málefni þess við eftirlitið.
HNE hefur um langt skeið fylgst með ástandi lóðar sem er full af gömlum bílum. Eftirlitið hefur margoft krafist þess að tiltekt fari fram á lóðinni en við þeim tilmælum hefur ekki orðið. Við skoðun á lóðinni um miðjan apríl kom í ljós að ekki hafði verði brugðist við kröfum HNE. Sama daga og skoðun fór fram barst erindi frá fyrirtækinu þar sem óskað var eftir samstarfi og samtali um gerð aðgerðaráætlunar um tiltekt á lóðinni.
Hreinsunaraðgerðir þola ekki bið
Samþykkti nefndin að verða við ósk um fund og stendur til að kalla forsvarsmenn Auto til fundar hið fyrsta. „HNE er tilbúið í það samstarf sem verður vonandi til þess að skriður komist á málið — en nauðsynlegar hreinsunaraðgerðir þola ekki frekari bið,“ segir Leifur.
Nefndin leggur áherslu á að frekari dráttur á tiltekt er óásættanlegur og krefst þess að aðgerðaráætlun miði að því að vinna við tiltekt hefjist án tafar. Nefndin áréttar jafnframt að dagsektir verði áfram lagðar á þar til fullnægjandi úrbætur hafa verið gerðar og þær staðfestar af hálfu HNE.
Nýjast
-
Grunnskólar Akureyrar: Sterkur grunnur – en aðgerða þörf
Grunnskólar á Akureyri standa á traustum grunni. En þróun síðustu ára sýnir að við getum ekki lengur treyst á að allt haldist í jafnvægi án markvissra aðgerða. Mælingar Skólapúlsins á líðan og upplifun nemenda sýna að margt er vel gert í grunnskólum Akureyrar; tengsl nemenda og kennara eru sterk, bekkjarandi er almennt góður og öryggi innan skólanna mælist viðunandi. Þetta eru burðarstoðir góðs skólastarfs og grunnur sem við eigum að vera stolt af. -
Forsvarsmenn Auto óska eftir fundi um stöðu mála hjá Auto
„Það er jákvætt skref að fyrirtækið hafi loks haft samband og óskað eftir samstarfi um aðgerðaráætlun til að bregðast við kröfum HNE um tiltekt á lóðinni,“ segir Leifur Þorkelsson framkvæmdastjóri Heilbrigðiseftirlits Norðurlands um ósk fyrirtækisins Auto ehf. sem hefur starfsemi að Setbergi á Svalbarðsströnd að ræða málefni þess við eftirlitið. -
Getur verslun blómstrað á Akureyri?
Fyrsta svar er nokkuð augljóst. Já, verslun er í miklum blóma á Akureyri. Hér færðu föt á dömur og herra, lífrænar sápur og lampaskerma. Hér fær bóndinn í Skagafirði vélaolíu (uss, ekki segja Þórólfi það), áburð og fóður. Reiðhjól og skíði. Tölvur og græjur. Bækur og potta. Parket, parket. Flísar og teppi. Hér kaupir fagurkerinn dýr blöndunartæki og sparnaðarforkurinn finnur góð tilboð. -
Hvar vilja aldraðir búa?
Málefni eldri borgara verða sífellt mikilvægari eftir því sem íbúum á efri árum fjölgar. Akureyrarbær stendur, líkt og önnur sveitarfélög frammi fyrir áskorunum þegar kemur að því að tryggja nægilegt og hentugt húsnæði ásamt öflugri félagsþjónustu fyrir þennan hóp. -
Ingvi Óðinsson kveður Samherja
Á samfélagsmiðlum Samherja er sagt því að Ingvi Óðinsson umsjónarmaður fasteigna Samherja lét formlega af störfum í dag eftir farsælt og árangursríkt starf. Hann byrjaði að vinna fyrir Samherjafrændur við eftirlit með nýbyggingum, fyrst á Kanaríeyjum í um 6 mánuði og síðar við byggingu 10 þúsund fermetra frystigeymslu í Gdansk í Póllandi í um tvö og hálft ár. Frá apríl 2014 hefur hann verið umsjónarmaður fasteigna Samherja. -
Þrjú ár á Íslandi? Kosningaréttur!
Sveitarstjórnarkosningar verða haldnar á Íslandi 16. maí 2026. Fólk af erlendum uppruna hefur í gegnum árin tekið litla þátt í kosningum, þrátt fyrir að margir hafi kosningarétt. Íbúar landsins með erlent ríkisfang öðlast kosningarétt í sveitarstjórnarkosningum eftir þriggja ára búsetu hér á landi, en ekki er vitað hvort fólk sé meðvitað um það. -
Akureyrarbær greiðir BSO 5,5 milljónir Slökkvilið nýtir húsið til æfinga
Bæjarráð Akureyri hefur falið bæjarstjóra að auglýsa BSO húsið fyrir áhugasama aðila til flutnings og enduruppbyggingar á öðrum stað. Leigubílstjórar hverfa á brott úr húsinu á morgun, 1. maí. Húsið verður samkvæmt samkomulagi afhent Slökkvilið Akureyrar sen mun nýta það til æfinga. Eftir að þeim lýkur á að skila húsinu og ekki í verra ástandi en það er nú. -
Húsavíkurhöfn - 100 ára afmæli Landhelgisgæslunnar - Freyja býður í heimsókn
Landhelgisgæslan fagnar 100 ára afmæli sínu nú í ár og hefur gæslan verið að ferðast víða um land og bjóða almenningi að kynna sér starfsemina og skipið. -
Setjum fjölskylduna í fyrsta sæti
Rebekka Ásgeirsdóttir skrifar
