Fjögurra ára biðtími eftir félagslegri íbúð
Langur biðtími er eftir tveggja herbergja félagslegri íbúð á Akureyri.
Alls eru 164 á biðlista eftir félagslegri íbúð á Akureyri, þar af eru 92 að bíða eftir tveggja herbergja íbúð og 35 eftir þriggja herbergja íbúð. Samkvæmt upplýsingum Vikudags er bíðtími eftir tveggja herbergja íbúð ekki undir fjórum árum, en um tveggja ára bið er eftir þriggja herbergja íbúð. Biðtími eftir fjögurra herbergja íbúð eru tvö og hálft ár að meðaltali.
Í húsnæðisáætlun Akureyrarbæjar sem unnin var í kring um síðustu áramót kemur fram að fjölga þurfi félagslegum íbúðum um 86 á næstu fimm árum eins og Vikudagur greindi frá. Í síðasta blaði kom fram að áætlað er að reisa 15 íbúðir á næstu þremur árum. Þetta er töluvert undir áætlaðri þörf á félagslegum íbúðum.
Guðmundur Baldvin Guðmundsson, formaður bæjarráðs Akureyrar, segir spurður um málið að margþættar aðgerðir séu í gangi til að mæta aukinni þörf á félagslegum íbúðum. „Auk íbúðanna sem bærinn ætlar að reisa hyggst Brynja hússjóður öryrkjabandalagsins kaupa eða byggja 10 íbúðir á næstu tveimur árum sem nýtast mun þessum hóp. Þá erum við að horfa til samstarfs við Bjarg íbúðafélag um uppbyggingu íbúða með stofnframlögum og þar erum við að horfa til þess að hluti af þeim íbúðum geti verið í félagslega íbúðakerfi bæjarins,“ segir Guðmundur Baldvin.
Auk þess hafi Búfesti lýst yfir áhuga á uppbyggingu íbúðakjarna með hluta íbúða byggða með stofnframlögum. „Öll þessi uppbygging mun leiða til jákvæðra áhrifa á félagslega íbúðakerfið í heild sinni, bæði með beinum og óbeinum hætti. Við erum auk þessa að skoða ýmislegt fleira í tengslum við húsnæðisáætlunina. Hversu mikið við náum að vinna á áætlaðri þörf með þessum aðgerðum á eftir að koma í ljós en við höldum áfram að vinna að þessum málum og munum uppfæra húsnæðisáætlun okkar árlega til að fylgjast með þróuninni og meta árangurinn,“
segir Guðmundur Baldvin
Nýjast
-
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið.
