„Finnst þessi málefnasamningur ákaflega rýr“
Gunnar Gíslason.
„Mér finnst þessi málefnasamingur ákaflega rýr,“ segir Gunnar Gíslason, oddviti Sjálfstæðisflokksins, inntur eftir viðbrögðum við málefnasamningi nýs meirihluta Framsóknarflokksins, L-listans og Samfylkingarinnar á Akureyri sem kynntur var í vikunni.
„Það eru engar útfærslur í samningnum, engin tímasett markmið og ekki settar neinar tölulegar upplýsingar um eitt né neitt. Mín fyrsta upplifun var sú að það væri verið að setja fram málefnasamning sem menn þyrftu ekkert að standa við. Því það er ekki hægt að festa hönd á neitt þar sem allt er frekar loðið,“ segir Gunnar.
„Flokkarnir tóku sér ellefu daga í vinnuna og þetta er útkoman. Það sem mér dettur helst í hug er að flokkarnir séu ekki sammála um hvaða leiðir skal fara til að ná markmiðunum og það sé eitthvert hik á fólki.“
Býst við fjörugri bæjarstjórnarfundum
Gunnar hefur boðað harðari pólitík í bæjarmálunum á Akureyri, en þau hafa hingað til einkennst af samræðupólitík. Telur hann að von sé á fjörugri bæjarstjórnarfundum á kjörtímabilinu?
„Ég ætla rétt að vona það. En það sem ég átti við með harðari pólitík er fyrst og fremst það að við munum ekki ástunda samræðupólitíkina á lokuðum fundum þar sem við vinnum að verkefnum að sameiginlegri lausn. Við munum leggja fram okkar áætlanir og skoðanir og gera það opinberlega. Svo getum við sest niður og athugað hvort meirihlutinn sé tilbúinn í að mæta okkur þar.
Í raun og veru voru stefnuskrár flokkana allar eins fyrir kosningarnar en það er alveg ljóst að ef vinnan ætlar að vera þannig hjá meirihlutanum eins og hún birtist manni í þessum málefnasamningi, þá er ljóst að það verður ekkert hægt að sitja hjá og þegja. Við ætlum að vera ákveðnari í allri málefnalegri umræðu,“ segir Gunnar Gíslason. Gunnar Gíslason.
Nýjast
-
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið. -
“Jákvæð viðbrögð” um veiðigjaldið?
Heimir Örn Árnason skrifar um viðbrögð við veiðigjaldinu -
Vinnustaðir á Húsavík bjóða upp á íslenskukennslu á vinnutíma
„Við byrjuðum fyrir um þremur vikum síðan og erum með sjö manns sem sitja námskeiðið,“ segir Ármann Örn Gunnlaugsson, framkvæmdastjóri Sjóbaðanna í samtali við Vikublaðið. -
Líf í lundum Lystigarðs
130 ár frá fæðingu Jóns Rögnvaldssona -
Innan við helmingur barna með fjölþættan vanda tekur þátt
Samkvæmt skýrslu um þátttöku barna í íþrótta- og tómstundastarfi á Akureyri,- Greining á þátttöku barna með fötlun og aðrar áskoranir í íþrótta- og tómstundastarfi og tillögur að úrbótum. -
Komið að skuldadögum
Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil. -
Spennandi Sæludagur í Hörgársveit
Sæludagurinn er viðburður sem hefur fest sig í sess í Hörgársveit. Upprunalega var um að ræða einn stóran viðburður sem var haldinn ár hvert á laugardegi um Verslunarmannahelgina, en árið 2023 var ákveðið að prófa að skipta deginum upp í tvennt og halda Sæludaginn í júní og fjölskylduhátíð á Hjalteyri um Verzlunarmannahelgina. -
Tvær nýjar sýningar í Safnahúsinu á Húsavík: Út úr skugganum og Bakslag
Á morgun, 20. júní kl. 18:00 opna tvær nýjar sýningar í Safnahúsinu á Húsavík. Þær fjalla báðar um hinsegin sögu, sýnileika og réttindi – hvor á sinn hátt.
