Fæðingum hefur fækkað verulega
Sjúkrahúsið á Akureyri.
Starfsemi Sjúkrahússins á Akureyri (SAk) hefur aukist miðað við sama tíma á síðasta ári. Þetta kemur fram í pistli Bjarna Jónassonar, forstjóra SAk á heimasíðu sjúkrahússins.
Þar kemur fram að mest er aukning á fjölda sjúkrafluga eða um 15 prósent og eru þau 308 það sem af er árinu. Einnig hefur komum á bráðamótöku fjölgað um 3 prósent. „Einnig hefur komum á dag- og göngudeildir í heild fjölgað og þá hefur rannsóknum fjölgað nokkuð. Átakið við að stytta biðtíma eftir aðgerðum gengur vel og samkvæmt áætlun,“ skrifar Bjarni.
Athygli vekur að á sama tíma hefur fæðingum fækkað frá síðasta ári um heil 13 prósent og eru aðeins 144 það sem af er árinu. Þetta er þróun sem hefur verið að eiga sér stað frá árinu 2010 þegar metfjöldi varð á fæðingum hjá SAk eða 515 alls. Fæðingum á landinu öllu hefur jafnframt fækkað mikið frá 2009 en það ár fæddust 5.015 börn og hafa aldrei fæðst fleiri börn á Íslandi en á því ári. Það ár fæddust 446 börn á SAk.
Samkvæmt ársskýrslu SAk fæddu á árinu 2016, alls 389 konur 392 börn, 180 stúlkur og 212 drengi á SAk. Það er langt neðan við meðaltal síðustu 10 ára sem er 437 og ef fram heldur sem horfir munu fæðingar verða enn færri í ár.
Nýjast
-
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið. -
“Jákvæð viðbrögð” um veiðigjaldið?
Heimir Örn Árnason skrifar um viðbrögð við veiðigjaldinu -
Vinnustaðir á Húsavík bjóða upp á íslenskukennslu á vinnutíma
„Við byrjuðum fyrir um þremur vikum síðan og erum með sjö manns sem sitja námskeiðið,“ segir Ármann Örn Gunnlaugsson, framkvæmdastjóri Sjóbaðanna í samtali við Vikublaðið.
