Ekki gefið samþykki fyrir lóð undir malarefni úr sjó
Samkvæmt samtölum kæmi helst til greina lóð á svæði norðan við Krossanes undir fyrirhugaða starfsemi, segir m.a. í erindi GV Grafa. Í bókun skipulagsnefndar kemur m.a. fram að í Aðalskipulagi Akureyrar 2005-2018 er svæðið sem óskað er eftir skilgreint sem óbyggt svæði og ekki gert ráð fyrir landnotkun undir atvinnustarfsemi. Þar sem ekki hefur verið tekin afstaða til landnotkunar á umbeðnu svæði og ekki fyrirhuguð endurskoðun þess á næstunni er erindinu hafnað. Einnig er bent á að mikið er af skráðum fornleifum á svæðinu norðan Krossaness í landi Þórsness sem að mestu er á erfðafestu en að hluta til á eignarlandi. Samhljóða erindi var hafnað á fundi skipulagsnefndar þann 28. maí 2008 og málinu vísað til vinnslu svæðisskipulags Eyjafjarðar sem nú stendur yfir en þar munu efnistökumál verða skoðuð sérstaklega með framtíðarlausn fyrir sveitarfélögin í Eyjafirði í huga. Skipulagsnefnd bendir á, skv. 16 gr. skipulags- og byggingarlaga, en að afloknum bæjarstjórnarkosningum skal bæjarstjórn meta hvort ástæða sé til að endurskoða aðalskipulagið.
GV Gröfur sendu fyrst inn erindi í lok maí sl. þar sem óskað var eftir 10-20.000 m² lóð sem liggur að sjó þar sem unnt yrði að dæla möl á land upp af hafsbotni til vinnslu og geymslu. Fram kom að fyrirtækið myndi sjá um landmótun og fyllingar sem nauðsynlegar yrðu á lóðinni. Skipulagsnefnd hafnaði efnisgeymslu í því landi sem Akureyrarbær hefur yfirráð yfir og vísaði málinu til vinnslu svæðisskipulags Eyjafjarðar.
GV Gröfur sendu aftur erindi til skipulagsnefndar í síðasta mánuði og ítrekaði ósk um lóð fyrir atvinnustarfsemi undir malarefni sem tekið yrði úr sjó. Farið var fram á að fá skýr svör við því sem allra fyrst hvort Akureyrarbær geti útvegað lóð sem hentar þessari starfsemi. Skipulagsnefnd frestaði erindinu og óskaði eftir nánari upplýsingum frá umsækjanda um umfang og eðli fyrirhugaðrar starfsemi. Á síðasta fundi nefndarinnar var erindinu sem hafnað, sem fyrr segir.
Nýjast
-
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna.