Ekkert sameiginlegt með Trump
Hjálmar Bogi Hafliðason
Eins og fjallað var um á dagskrain.is fyrr í dag líkti Haukur Arnþórsson doktor í rafrænni stjórnsýslu, Hjálmari Boga Hafliðasyni kennara og varaþingmanni Framsóknarflokks við Donald Trump forsetaframbjóðanda í Bandaríkjunum.
Hjálmar Bogi segir í samtali við miðilinn vera gáttaður á ummælunum. „Pólitík Donald Trump og hans aðferðafræði er svo fjærri mínum eigin skoðunum sem frekast getur orðið, hvort sem verið er að tala um kvennfrelsi, trúarbrögð eða annað. Trump er talinn vera, og ég er svo hjartanlega sammála því – ein helsta ógn við heimsfriðinn hreinlega. Svo er verið að líkja mér við þetta,“ segir hann og viðurkennir að sér sé alls ekki skemmt.
„Af því að við lifum í svona hraðadýrkandi samfélagi þar sem fólk les jafnvel bara fyrirsagnir og dæmir svo eftir þeim þá er mér verulega brugðið,“ segir Hjálmar Bogi og bætir því við að hann hafi áður skrifað opnberlega um Donald Trump og varað við því að hann sé beinlínis hættulegur út af umræðunni sem skapast hefur í kringum hann.
„Að maður sé í alvöru í þeim sporum sem lítilsmegnugur frambjóðandi norður í landi að vera líkt við forsetaframbjóðanda Repúblikanaflokksins í Bandaríkjunum, Donald Trump vegna skoðana sinna á flugvellinum í Vatnsmýrinni er svo langt út úr korti,“ segir Hjálmar Bogi og tekur fram að þessi litla hugleiðing sem hann setti fram á Facebook hafi aðeins verið léttvæg athugasemd inn í umræðuna. Flugvöllurinn í Vatnsmýrinni sé alls ekki kosningamál fyrir sig.
„Mér finnst þetta persónulega ekki vera kosningamál hér, alls ekki raunar. Því það er alveg rétt að ég sem þingmaður get ekki haft bein áhrif á flugvallarmálið, en þýðir það að ég megi ekki ræða það – þessi maður sem ber mig þessum sökum, má hann þá ekki ræða kennlsu í grunnskólum af því að hann hefur engin áhrif á það hvernig hún fer fram,“ segir Hjálmar Bogi að lokum, en hann sækist eftir 2.-4. sæti á lista Framsóknarflokksins í Norðausturkjördæmi fyrir komandi Alþingiskosningar í haust.
Nýjast
-
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri. -
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni
