Ekið á gangandi vegfaranda
Rétt upp úr klukkan 14:00 í dag var ekið á gangandi vegfaranda á gatnamótum Brekkugötu, Gránufélagsgötu og Oddeyrargötu, gatnamótunum við Amtsbókasafnið. Sá sem ekið var á er karlmaður á sjötugsaldri og var hann fluttur meðvitundarlaus með sjúkrabíl á slysadeild. Talið er að hann hafi verið nokkuð slasaður. Bíllinn sem ók á manninn var að koma niður Oddeyrargötuna og var kominn rétt yfir gatnamótin þegar hann ók á manninn. Þarna er 30 km hámarkshraði og segir lögregla ekkert benda til að bifreiðin hafi verið á mikilli ferð.
Réttum klukkutíma áður, eða upp úr kl 13:00, varð slys í tímatöku fyrir Sjallaspyrnuna sem var á akstursíþróttasvæði Bílaklúbbs Akureyrar. Vélsleðamaður missti sleðann út af svokallaðri bremsubraut og ofan í stóran skurð sem er um 4 m breiður. Sleðamanninum tókst að kasta sér af sleðanum áður en hann skall í skurðbakkann hinumegin, en meiddist engu að síður. Kvartaði hann undan meiðslum í baki og var hann fluttur á slysadeild með sjúkrabíl.
Sjúkrabíll og lögregla voru kölluð að sundlauginni á Illugastöðum nú eftir hádegið vegna slyss sem þar varð. Ungur drengur datt og slasaðist og var hann einnig um tíma í andnauð. Drengurinn var fluttur með sjúkrabíl á slysadeild á Akureyri.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.