Dæmd í 8 mánaða fangelsi fyrir ítrekaðan ölvunarakstur
Héraðsdómur Norðurlands eystra á Akureyri.
Kona á fertugsaldri var fyrir helgi dæmd í átta mánaða fangelsi í héraðsdómi Norðurlands eystra fyrir að hafa í þrígang ekið ekið bifreið án ökuréttinda; þar af tvíveigis undir áhrifum áfengis. Þá var konan einnig ákærð fyrir þjófnað með því að hafa í júlí 2016, brotist inn í gistiheimili í Hörgársveit og stolið þaðan sjónvarpstæki, DVD spilara, myndlykli, beini (router), íþróttatösku og sæng. Til vara, fyrir hylmingu með því að hafa, nokkrum dögum síðar verið með í vörslum sínum, í bifreið sem hún var stöðvuð á með umrætt þýfi.
Fyrir dómi neitaði hún sök um þjófnað en játaði hylmingu. Ákæruvaldið féll frá kröfu um að konan yrði dæmd fyrir þjófnað en hún var fundin sek um hylmingu.
Í dómi héraðsdóms kemur fram að konan hafi brotið skilorð en hún hefur frá árinu 2006 ítrekað verið dæmd fyrir ölvunarakstur og nytjastuld. Hún var einnig dæmd í tveggja mánaða fangelsi fyrir rangar sakargiftir í mars á þessu ári en þeim dómi hefur verið áfrýjað.
Refsing konunnar er nú ákveðin sem hegningarauki við dóminn frá í mars. Þá þótti dómara óhjákvæmilegt að árétta að konan sé áfram svipt ökurétti ævilangt. Konan var dæmd til að greiða 77 þúsund krónur í sakarkostnað og málsvarnarlaun verjanda síns.
Nýjast
-
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið.
