Bretar flykkjast í vetrarferð til Akureyrar
Ferðamönnum mun fjölga talsvert á Akureyri í vetur.
Sala á beinu flugi til Akureyrar frá Bretlandi í vetur gengur langt framar vonum en til að mæta aukinni eftirspurn er búið að bæta við fjórum flugferðum og brottförum frá fleiri áfangastöðum. Upphaflega var stefnt að átta flugferðum en þau verða tólf hið minnsta.
Eins og fram kom fyrr í sumar hefur breska ferðaskrifstofan Super Break hafið sölu á ferðum til Akureyrar og er þetta í fyrsta sinn sem boðið verður upp á beint flug til Akureyrar frá Bretlandi. Samtals var pláss fyrir um 1500 farþega í þessum átta ferðum en nú stefnir í að þeir verði mun fleiri.
Arnheiður Jóhannsdóttir, framkvæmdastjóri Markaðsstofu Norðurlands, segir að nú þegar sé búið að selja yfir 50% af sætunum í þau átta flug sem auglýst voru í fyrstu. „Það er rífandi gangur í þessu og vegna þess hve vel gengur hefur ferðaskrifstofan bætt við fjórum flugferðum. Það er mjög gaman að sjá hversu vel þetta gengur,“ segir Arnheiður en spurð segir hún aðsóknina ekki koma sér á óvart.
„Þetta er sá áhugi sem ég bjóst við en þetta er hins vegar mun meira en breska ferðaskrifstofan átti von á. Þar er fólk hreinlega steinhissa. En við höfum alltaf sagt að Norðurland að vetri sé mjög eftirsóknarvert og þessi aðsókn sýnir það glögglega.“
Vegna áhugans er þegar farið að huga að því að bóka ferðir til Akureyrar næsta vetur. Þessi tólf flug frá Bretlandi í vetur verða í janúar, febrúar og mars og því má búast við að fjöldi erlendra ferðamanna á Akureyri muni aukast talsvert á þessum tíma.
„Við eigum eftir að sjá mikinn mun á þessum mánuðum. Þetta eru pakkaferðir þar sem seldar eru 3-4 nætur í pakka og því ekki um minna en rúmlega 4000 gistinætur að ræða,“ segir Arnheiður.
Auk gistingar verður boðið upp á ferðir í Mývatnssveit. Ferðamennirnir geta svo bætt við ferðina eftir eigin óskum, til dæmis með heimsókn í Bjórböðin, hvalaskoðun eða hestaferðir svo eitthvað sé nefnt.
Nýjast
-
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið. -
“Jákvæð viðbrögð” um veiðigjaldið?
Heimir Örn Árnason skrifar um viðbrögð við veiðigjaldinu -
Vinnustaðir á Húsavík bjóða upp á íslenskukennslu á vinnutíma
„Við byrjuðum fyrir um þremur vikum síðan og erum með sjö manns sem sitja námskeiðið,“ segir Ármann Örn Gunnlaugsson, framkvæmdastjóri Sjóbaðanna í samtali við Vikublaðið.
