Borgarhólsskóli sigurvegari í Fiðringi 2026
Krakkarnir í Borgarhólsskóla stóðu uppi sem sigurvegarar Fiðrigns 2026
Í gærkvöldi fór Fiðringur á Norðurlandi fram í fimmta sinn og er óhætt að segja að hann sé að festa sig í sessi betur og betur. Það er reyndar umhugsunarefni af hverju bara fjórir af sjö Akureyrarskólunum taki þátt í ár þar sem þeir eru flestir mjög fjölmennir en það er einlæg von okkar sem stöndum að verkefninu að þeir taki allir þátt að ári!
Kátt var í Hamraborg í Hofi þegar skólarnir níu stigu á svið með atriðin sín. Kynnarnir Níels Thibaud Girerd og Hólmfríður Hafliðadóttir leikarar fóru á kostum milli atriðanna og fóru hamförum í búningskiptum. Maron Birnir tryllti lýðinn í dómarahléinu og flutti Fiðringslagið Hvar ertu nú? ásamt fleiri lögum.
Sigurvegari í ár er Borgarhólsskóli með atriðið sitt Ég er ekki lygari og fjallar um það hvernig þolendum kynferðisofbeldis er oft ekki trúað. Í öðru sæti var Brekkuskóli með atriðið Saknaðarsöngur sem fjallar um að ef við pössum okkur ekki gæti tæknin tekið yfir farið að stjórna okkur mannfólkinu. Í þriðja sæti lenti Síðuskóli með atriðið Opnum dyrnar sem varpar ljósi á erfiðleika og fordóma í garð innflytjenda og hversu sárt og erfitt það getur verið að þurfa að yfirgefa heimili sín. Sérstök verðlaun fyrir skemmtilega, vandaða eða skapandi notkun á íslensku hlaut Grunnskóli Húnaþings vestra.
Dómnefnd átti úr vöndu að ráða og auðvitað eru allir þáttakendur sigurvegarar eins og þau nefndu, margir að fara langt út fyrir þægindarammann sinn, mættir á stóra sviðið í Hofi að dansa leika og syngja fyrir hátt á fjórða hundrað manns. Unglingarnir skinu skært og það var frábært að sjá ástríðuna og gleðina á sviðinu og baksviðs. Framtíðin er svo sannarlega björt!
SSNE og SSNV styrkja verkefnið ásamt MAK og verkefnastjórar eru María Pálsdóttir og Hera Jónsdóttir
Meðfylgjandi myndir tók Hilmar Friðjónsson
Lið Brekkuskóla hafnaði í öðru sæti
Síðuskóli varð í þriðja sæti
Maron Birnir í miðri þvögu aðdáenda
Kynnar kvöldsins stóðu sig einkar vel.
Stemmning í ,,græna" herberginu
Nýjast
-
Orka til Akureyrar
Bæjarstjórn Akureyrar samþykkti samhljóða á dögunum að auglýsa aðalskipulag vegna nýrrar Blöndulínu 3 sem Landsnet hyggst reisa og reka á 220 kV spennu. Eftir margra ára togstreitu við Landsnet náðist viðunandi samkomulag um útfærslu á línunni sem tryggir að hún verði lögð í jörð næst þéttbýlinu á Akureyri eins fljótt og tæknilegar forsendur leyfa. Línan mun tryggja flutning á raforku frá Blönduvirkjun til Eyjafjarðarsvæðisins. Úr hinni áttinni færir Hólasandslína 3 okkur raforku frá hinu öfluga Þeistareykjasvæði í Þingeyjarsýslum, en sú lína var tekin í notkun árið 2022. -
Borgarhólsskóli sigurvegari í Fiðringi 2026
Í gærkvöldi fór Fiðringur á Norðurlandi fram í fimmta sinn og er óhætt að segja að hann sé að festa sig í sessi betur og betur. Það er reyndar umhugsunarefni af hverju bara fjórir af sjö Akureyrarskólunum taki þátt í ár þar sem þeir eru flestir mjög fjölmennir en það er einlæg von okkar sem stöndum að verkefninu að þeir taki allir þátt að ári! -
Félagslegt húsnæði og ójöfnuður á Akureyri
Frá lokum 20. aldar hefur framboð á félagslegu húsnæði á Íslandi dregist saman samhliða aukinni áherslu á markaðslausnir. Með afnámi verkamannabústaðakerfisins á árunum 1998–1999 dró úr beinni ábyrgð hins opinbera á uppbyggingu húsnæðis og aðgengi að húsnæði fór í auknum mæli að ráðast af greiðslugetu. Þrátt fyrir tilkomu almenna íbúðakerfisins árið 2016 hefur framboð félagslegs og óhagnaðardrifins húsnæðis ekki haldið í við eftirspurn. Hlutfall óhagnaðardrifinna íbúða er um 5% á Íslandi og eru þá talin með félög eins og Bjarg íbúðafélag. -
Framkvæmdastjóraskipti hjá Höldi – Bílaleigu Akureyrar
Pálmi Viðar Snorrason hefur verið ráðinn framkvæmdastjóri Hölds-Bílaleigu Akureyrar frá og með 1. maí síðastliðnum. Pálmi tekur við starfinu af Bergþóri Karlssyni. -
1 maí hlaup 2026 - úrslit og myndir
Mikið fjölmenni var í 1. maí hlaupi UFA. Ríflega 600 hlauparar á öllum aldri hlupu af stað og þá eru ótaldir þeir foreldrar sem tóku sprettinn sem fylgdarmenn barna sinna, á svæðinu hafa klárlega verið um þúsund manns. Veðrið var svalt og nokkur snjókorn féllu en hlauparar létu það ekki á sig fá og sprettu úr spori. -
Krabbameinsfélag Akureyrar og nágrennis færir heimahlynningu SAk lyfjadælur
Krabbameinsfélag Akureyrar og nágrennis hefur afhent heimahlynningu Sjúkrahússins á Akureyri þrjár nýjar CADD-lyfjadælur. -
Hagnaður af rekstri Sparisjóðs Þingeyinga 223,7 milljónir króna
Aðalfundur Sparisjóðs Þingeyinga var haldinn 22. apríl s.l. í Breiðumýri í Reykjadal. Rekstur sparisjóðsins gekk vel á síðasta ári, hagnaður af starfseminni var 223,7 milljónir króna eftir skatta. -
Nýtt líf á Húsavík
Þessi grein, sem er skrifuð af frambjóðanda X-M Lista Samfélagsins, er á þrem tungumálum, íslensku, ensku og pólsku.This article, written by candidate from X-M Listi Samfélagsins, is in three languages, Icelandic, English and Polish.Artykuł ten, napisany przez kandydata X-M Listi Samfélagsins, ukazał się w trzech językach: islandzkim, angielskim i polskim. -
Saman erum við sterkari
Það hefur lengi verið meinlegur vani í íslensku samfélagi að ýta verkefnum á milli ríkis og sveitar, þrefa um það hvort stjórnsýslustigið beri ábyrgð á viðkomandi málaflokki, þæfa mál og gá hvor aðilinn heldur lengur út.
