Áskorun til Norðlendinga
Kæru Norðlendingar! Látum ekki hræða okkur frá því að greiða atkvæði í komandi Stjórn-lagakosningum. Jafnvel ekki þó einhver álitsgjafi af tegundinni stjórnmálafræðingur, stígi fram og virðist hafa lítið álit á okkur sem fullfærum hugsandi kjósendum.
Það eina í ferli undirbúningsins fyrir þessar kosningar, sem hvergi hefur verið gert áður, er Þjóðfundurinn og hann tókst með ágætum. Kosningin er ekki flókin, en það tekur einhvern tíma að velja sér þá 25, sem maður helst vill kjósa úr stórum hópi frambjóðenda, en það getur maður gert heima hjá sér. Svo getur maður líka heima hjá sér raðað þeim upp á minnisblað, þannig að efst er settur sá sem maður vill helst að komist inn. Síðan sá sem maður vill næst helst að komist inn, og svo koll af kolli þar til komin eru 25 númer í röð.
Og ef maður nennir ekki að raða svona mörgum upp, þá er það bara í besta lagi. Það má alveg láta duga að velja bara nokkra og raða þeim, og það er líka í lagi að velja aðeins eitt númer eða tvö. Hafa svo minnislistann með sér inn í kjörklefann og fara eftir honum.
Flókið eða hvað? Nokkrar klukkustundir til að velta vöngum, velja og raða, og nokkrar mínútur í kjörklefa, Það er ekki hátt gjald fyrir lýðræðið.
Til gamans má geta þess að í sveitarstjórnarkosningum nokkurra sveitarstjórna í Þýskalandi er viðhaft persónukjör. Sumar sveitarstjórnir þar eru skipaðar 40 fulltrúum og þar bjóða fram jafnvel 6-7 flokkar. Þar hefur hver kjósandi í raun 40 atkvæði sem hann má dreifa að vild milli lista.
Hann skrifar númer, frá 1 -40 framan við nöfn frambjóðenda, og hann getur gert jafnvel enn betur, ef hann endilega vill tryggja sinn uppáhalds mann. Kjósandinn má gefa einum frambjóðanda þrefalt vægi með því að setja til dæmis bæði númer 1 - 2 og 3 framan við hans nafn.
Nú en ef hann hefur ekki áhuga eða vill að flokkurinn ráði því hverjir eru efstir þá getur hann bara sett kross við flokksnafnið. Þjóðverjar óttuðust í fyrstu um að mikið yrði um mistök, en sá ótti reyndist ástæðulaus og meirihluti kjósenda nýtir sér valfrelsið að fullu.
Kæru kjósendur!! Það sem þjóðverjar geta,,,,það getum við líka.
Höfundur er frambjóðandi til stjórnlagaþings nr. 2578.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.