Ármann Pétur með þrennu í öruggum sigri Þórs
Grótta hefur 17 stig í þriðja neðsta sæti deildarinnar. Þórsarar voru ekki lengi að setja fyrsta markið á Þórsvelli í kvöld og það gerði Ármann Pétur eftir tæplega ellefu mínútna leik. Ármann, sem var fyrirliði Þórs í leiknum í fjarveru Þorsteins Ingasonar, fékk boltann inn í teig gestanna og lagði boltann fyrir sig og skoraði með fínu skoti. Gróttumenn fengu afar fá marktækifæri í fyrri hálfleik og heimamenn voru mun líklegri til þess að bæta við marki. Nenad Zivanovic fékk dauðafæri fyrir Þór undir lok fyrri hálfleiks en skaut boltanum yfir markið úr stuttu færi og staðan 1:0 í hálfleik.
Líkt og í fyrri hálfleik voru Þórsarar mun líklegri fyrir framan markið heldur en Gróttumenn og var Jóhann Helgi Hannesson nálægt því að bæta við marki fyrir heimamenn á 60. mínútu en lét verja frá sér af stuttu færi inn í teig. Þegar tuttugu mínútur voru eftir af leiknum kom ótrúlegur leikkafli hjá heimamönnum í Þór þar sem þeir skoruðu þrjú mörk á fjögurra mínútna kafla.
Ármann Pétur Ævarsson byrjaði sýninguna er hann skoraði öðru sinni með ágætu skoti á vítateigslínunni, sem Kjartan Ólafsson markvörður Gróttu varði inn í markið. Staðan 2:0. Aðeins mínútu síðar átti Sigurður Marinó Kristjánsson fínan sprett upp hægri kantinn, lék á varnarmenn Gróttu og lagði boltann fyrir markið þar sem Jóhann Helgi Hannesson var mættur og skoraði auðveldlega. Hlutirnir gerðust hratt á þessu tímapunkti því andartaki síðar fékk Þór dæmda vítaspyrnu er boltinn fór í hönd eins leikmanns Gróttu. Ármann Pétur Ævarsson fór að þessu sinni á vítapunktinn og freistaði þess að ná þrennunni, sem og hann gerði með fínu skoti. Staðan því skyndilega orðinn 4:0 fyrir Þór.
Það var svo varamaðurinn Kristján Steinn Magnússin sem skoraði fimmta og síðasta mark Þórs í leiknum fjórum mínútum fyrir leikslok. Lokatölur á Þórsvelli, 5:0 sigur Þórs.
Nýjast
-
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað.