Alls kusu 432 utankjörfundar á Akureyri
Helga Eymundsdóttir formaður kjörstjórnar á Akureyri segir að undirbúningur kosninganna hafi gengið ljómandi vel og hún er bjartsýn á að allt gangi vel fyrir sig á morgun. Á Akureyri verður kosið í VMA, þar verða 12 kjördeildir með 10 kjörklefum eða básum í hverri kjördeild. Einnig verður kosið í Grímsey og Hrísey og á þeim stöðum verður kjörstaður opinn frá 10-18 en á Akureyri frá kl. 9-22. Á kjörskrá á Akureyri eru 13.162, þar af eru 59 á kjörskrá í Grímsey og 130 á Hrísey. Konur eru heldur fleiri eða 6.739 en karlar eru 6.423.
Helga segir að rúmlega 100 manns komi að vinnu við kosningarnar á þessum þremur stöðum á kjördag, á einn eða annan hátt. Hún segir að kjósendur séu að verða sífellt jákvæðari fyrir kosningunum en það fari þó svolítið eftir aldri fólks. Helga segir að það skipti höfuðmáli að fólk komi vel undirbúið á kjörstað. "Ef fólk gerir það, er það ekki nema 3-5 mínútur að kjósa, en ef það kemur óundirbúið og þarf að fara að leita að nöfnum, getur tekið allt að hálftíma að kjósa. Jafnframt er ástæða til að brýna fyrir fólki, að seðillinn sem það fékk heim til sín, er ekki gildur og það má ekki setja hann í atkvæðakassann. Það má hafa fylgiseðilinn meðferðis til halds og trausts en fólk verður að passa sig á því að setja hann ekki óvart í kjörkassann og taka svo kjörseðilinn með sér heim. Það mun þurfa að fylgjast vel með því," segir Helga. Hún skorar jafnframt á fólk að mæta á kjörstað og nýta þennan rétt sinn.
Stjórnlagaþinginu er ætlað að undirbúa frumvarp til breytinga á stjórnarskránni og þegar þingið hefur samþykkt frumvarp til stjórnskipunarlaga skal það sent Alþingi til meðferðar. Kjörnir verða 25 fullrúar sem fyrr segir en lög kveða svo á um að þingfulltrúum verði fjölgað um allt að sex, ef hallar verulega á annað kynið í hópnum sem valinn verður, þannig að kynjahlutfallið verði að lágmarki tveir á móti þremur.
Nýjast
-
Listasafnið á Akureyri: Hekla Björt Helgadóttir með gjörning á Listasumri
Laugardaginn 12. júlí kl. 15 verður boðið upp á gjörning Heklu Bjartar Helgadóttur í Listasafninu á Akureyri í tengslum við þátttöku hennar í samsýningu norðlenskra listamanna, Mitt rými. Viðburðurinn er hluti af Listasumri á Akureyri -
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir.
