Áhyggjur af þróun endurhæfingarþjónustu með breytingu á Kristnesi
„Þetta hefur í för með sér að þeir einstaklingar sem ekki geta farið heim um helgar eiga jafnvel ekki lengur raunhæfan aðgang að þjónustunni. Þeir munu í staðinn lenda á bráðaþjónustu spítalanna þar sem hvorki er rými, mannskapur né viðeigandi aðstaða til endurhæfingar,“
Bæjarráð Akureyrar hefur áhyggjur af þróun endurhæfingarþjónustu á svæðinu sem og þeim mönnunarvanda sem virðist blasa við í heilbrigðiskerfinu. Hefur bæjarráð óskað eftir samtali við fulltrúa Sjúkrahússins á Akureyri og Háskólans á Akureyri vegna málsins.
Bæjarráð fjallaði nýverið um erindi frá öldungaráði og sveitarstjórn Eyjafjarðarsveitar sem sent var til heilbrigðisráðherra, Ölmu D. Möller, en það fjallaði um stöðu starfsemi á Kristnesspítala og aðgengi að endurhæfingarþjónustu. Frá áramótum er gert ráð fyrir að starfsemin breytist í dag- og fimm daga endurhæfingardeild, sólarhringsvakt verði því eingöngu í boði fimm daga vikunnar og lokað um helgar.
Landsbyggðarfólk kemst ekki að
„Þetta hefur í för með sér að þeir einstaklingar sem ekki geta farið heim um helgar eiga jafnvel ekki lengur raunhæfan aðgang að þjónustunni. Þeir munu í staðinn lenda á bráðaþjónustu spítalanna þar sem hvorki er rými, mannskapur né viðeigandi aðstaða til endurhæfingar,“ segir í bókun öldrunarráðs í Eyjafjarðarsveit. Ráðið segir að viðvarandi mönnunarvandi á Kristnesi sé helsta ástæða fyrirhugaðra breytinga, ekki hafi gengið að manna auglýstar stöður.
„Reynslan sýnir jafnframt að fólk af landsbyggðinni kemst almennt ekki að í endurhæfingu á viðeigandi heilbrigðisstofnunum annars staðar á landinu þar sem pláss skortir fyrir fleiri skjólstæðinga,“ segir ennfremur og á það bent að rekstur Reykjalundar sé brothættur. Ráðið lýsi því miklum áhyggjum yfir þessari þróun og sveitarstjórn Eyjafjarðarsveitar tekur heilshugar undir það, sem og bæjarráð Akureyrar.
Leiðir til enn þyngri heilbrigðisúrræða
Fram kemur í bréfi Finns Yngva Kristinssonar sveitarstjóra Eyjafjarðarsveitar að brýnt sé að heilbrigðisyfirvöld bregðist tafarlaust við og tryggi að aðgengi að endurhæfingarþjónustu á landinu öllu verði ekki skert, heldur eflt, með öllum þeim ráðum sem tiltæk eru. Sérstaklega mikilvægt er að tryggja að íbúar hafi raunverulegt aðgengi að viðeigandi endurhæfingu án þess að þurfa að reiða sig á bráðaþjónustu sem hvorki er hönnuð né mönnuð til slíks verkefnis
„Ljóst er að ef einstaklingar sem þurfa á endurhæfingu að halda fá ekki viðeigandi þjónustu, hrakar heilsu þeirra, sama á hvaða aldri þeir eru, sem leiðir til enn þyngri heilbrigðisúrræða, verri lífsgæða, aukins álags á fjölskyldur og skerts möguleika til atvinnuþátttöku. Afleiðingar þess að ekki séu til staðar fullnægjandi úrræði til endurhæfingar munu að okkar mati hafa alvarleg áhrif á heilsu þjóðarinnar til lengri tíma litið.“
Áður en festist í óleysanlegum hnút
Sveitarstjórn Eyjafjarðarsveitar og öldungaráð hvetja heilbrigðisráðherra eindregið til að grípa til aðgerða áður en málaflokkurinn festist í óleysanlegum hnút. Markmiðið þarf að vera að tryggja öryggi, heilsu og lífsgæði íbúa sem þurfa á endurhæfingu að halda og útskrifa þá endurhæfða frá úrræðinu og með því styðja við sjálfbæra og ábyrga nýtingu heilbrigðiskerfisins.
Nýjast
-
Þyngir róðurinn á lyflækningadeild, sem þegar er strembinn
Hjúkrunarfræðingar, sjúkraliðar og annað starfsfólk lyflækningadeildar lýsa yfir verulegum áhyggjum vegna lokunar á sjö daga plássi á Kristnesspítala um áramótin. Nú þegar hefur um helmingi plássa verið lokað og finnum við strax fyrir auknu álagi vegna þessa. -
Áhyggjur af þróun endurhæfingarþjónustu með breytingu á Kristnesi
Bæjarráð Akureyrar hefur áhyggjur af þróun endurhæfingarþjónustu á svæðinu sem og þeim mönnunarvanda sem virðist blasa við í heilbrigðiskerfinu. Hefur bæjarráð óskað eftir samtali við fulltrúa Sjúkrahússins á Akureyri og Háskólans á Akureyri vegna málsins. -
Árangursríkur fundur með Qair Ísland og Arctic Hydro
Í kjölfar hinna miklu og jákvæðu tíðinda um styrkingu flutnings- og dreifikerfis raforku á Norðausturlandi sem Jóhann Páll Jóhannsson, ráðherra umhverfis-, orku- og loftslagsmála, kynnti á fundi á Þórshöfn þann 6. nóvember sl. hittust forsvarsmenn Framsýnar stéttarfélags og orkufyrirtækjanna Qair Ísland og Arctic Hydro á fundi á Húsavík í gær, 2. desember. Orkufyrirtækin starfrækja nú þegar tvær virkjanir á svæðinu, sem eru vatnsaflsvirkjanirnar Köldukvíslarvirkjun (2,65 MW) í Tjörneshreppi og Þverárvirkjun í Vopnafirði (6 MW). Ennfremur eru félögin með allnokkra virkjanakosti í þróun og eru þeir m.a. vindorkukosturinn Hnotasteinn (216 MW) í Norðurþingi, ásamt vatnsaflskostunum Árskógsvirkjun (5 MW) í Dalvíkurbyggð, Tunguárvirkjun (2 MW) í Þistilfirði og Staðarárvirkjun (1 MW) í Bakkafirði auk þróunarkosta í Eyjafjarðarsveit. -
GPG gefur laserskurðarvél
Fab-Lab smiðjan á Húsavík fékk nýverið rausnarlega gjög frá GPG seafood en fyrirtækið færði smiðjunni stórglæsilega laser skurðarvél sem getur skorið í málma -
Þorvaldur Þóroddsson ráðinn framkvæmdastjóri útgerðarsviðs Samherja
Þorvaldur er menntaður sjávarútvegsfræðingur frá Háskólanum á Akureyri og hefur undanfarin ár séð um hráefnisstýringu hjá landvinnslum Samherja. Þar áður var hann gæða- og þróunarstjóri félagsins. Þorvaldur hefur starfað hjá Samherja frá árinu 2005. -
Úthlutun úr Menningar- og viðurkenningasjóði KEA
Úthlutun úr Menningar- og viðurkenningasjóði KEA fór fram við hátíðlega athöfn í Hofi á Akureyri 1. desember s.l. en þetta er í 92. sinn sem sjóðurinn veitir styrki. Sjóðurinn var stofnaður árið 1936 en þá hlaut Sjúkrahúsið á Akureyri fyrsta og eina styrk sjóðsins. Að þessu sinni var úthlutað styrkjum að fjárhæð tæplega 30 milljónir króna til fjölbreyttra samfélagsverkefna, íþrótta- og æskulýðsstarfsemi og til ungs efnilegs afreksfólks á félagssvæði KEA. Umsóknir voru fjölmargar og af ýmsum toga og hlutu rúmlega 70 einstaklingar, félög og verkefni styrk úr sjóðnum. -
Höfundakvöld á Amtsbókasafninu
Árlegt höfundakvöld á Amtsbókasafninu verður fimmtudaginn 4. Desember kl 20:00. Til leiks mæta sex rithöfundar til að kynna bækur sínar. Það eru þau Óskar Þór Halldórsson með bókina Akureyrarveikin, Nína Ólafsdóttir með bókina Þú sem ert á jörðu, Þórunn Rakel Gylfadóttir með bókina Mzungu, Páll Björnsson með bókina Dagur þjóðar, Sesselía Ólafs með bókina Silfurberg og Arna Lind Viðarsdóttir með barnabókina Kvíðapúkinn. -
Þórduna styrkti Minningarsjóð Bryndísar Klöru
Núna á haustönn hefur nemendafélagið Þórduna selt VMA-peysur og hefur salan gengið vel. Ekki síst hafa bleiku peysurnar runnið út en þegar salan hófst í september sl. ákvað stjórn Þórdunu að allur ágóði af sölu á þeim rynni til Minningarsjóðs Bryndísar Klöru. -
Frábærlega vel heppnað Jólatorg
Jólatorgið var opnað á laugardaginn þegar ljósin voru tendruð á jólatrénu á Ráðhústorgi. Opið var frá kl. 15-18 bæði laugardag og sunnudag og verður torgið opið allar helgar fram að jólum.
