A! Gjörningahátíð 2025 kallar eftir gjörningum
Heather Sincavage á gjörningahátíðinni á síðasta ári. Mynd/Aðsend
A! Gjörningahátíð kallar eftir gjörningum eða hugmyndum frá listafólki úr öllum listgreinum og öðrum áhugasömum um hátíðina, sem fram fer 9.-12. október næstkomandi. Valið verður úr innsendum hugmyndum og fá þátttakendur greiddar 80.000 krónur í þóknun. Áhugasamir eru beðnir um að senda umsókn á umsokn@listak.is ásamt textalýsingu á hugmynd og sýnishorni í myndformi af fyrri verkum. Umsóknarfrestur er til og með 22. ágúst næstkomandi.
A! er fjögurra daga alþjóðleg gjörningahátíð sem nú er haldin í ellefta sinn. Í ár verður sú nýjung að boðið verður upp á gjörningasmiðjur fyrir yngri kynslóðina og afraksturinn sýndur á síðasta degi hátíðarinnar.
Gjörningahátíðin er samvinnuverkefni Listasafnsins á Akureyri, Leikfélags Akureyrar, Menningarhússins Hofs, Gilfélagsins, Myndlistarfélagsins, Vídeólistahátíðarinnar Heim og Listnámsbrautar Verkmenntaskólans á Akureyri.
Á hverju ári breytist Akureyri í suðupott spennandi gjörninga og leikhústengdra verka af öllum toga. Þátttakendur eru ungir og upprennandi listamenn, ásamt reyndum og vel þekktum gjörningalistamönnum, dans- og leikhúsfólki. Á meðal þeirra sem komið hafa fram á hátíðinni eru Sigurður Guðmundsson, Gjörningaklúbburinn, Hildur Hákonardóttir, Rúrí, Theatre Replacement, Katrín Gunnarsdóttir, Listahópurinn Kaktus, Curver Thoroddsen, Tales Frey, Anna Richardsdóttir, Hekla Björt Helgadóttir, Yuliana Palacios, Egill Logi Jónasson og Halldór Ásgeirsson. Að venju verður frítt inn á alla viðburði hátíðarinnar.
Nýjast
-
A! Gjörningahátíð 2025 kallar eftir gjörningum
A! er fjögurra daga alþjóðleg gjörningahátíð sem nú er haldin í ellefta sinn -
Samherji hf. heldur áfram fjárfestingum í innviðum rekstrar
Rekstrarhagnaður Samherja hf. nam 6,3 milljörðum króna á árinu 2024 og dróst saman um 1,8 milljarða króna á milli ára. -
Alls voru yfir 45.000 hjartastoppstilfelli greind
Sérfræðingur í bráðalækningum á SAk er meðal þátttakanda í einni stærstu rannsókn á hjartastoppi utan sjúkrahúsa í Evrópu -
Ný umferðaröryggisáætlun Akureyrarbæjar samþykkt
Hundruð einstaklinga slasast árlega í umferðarslysum á Íslandi og sum þeirra hafa alvarlegar eða jafnvel banvænar afleiðingar -
Huld Aðalbjarnardóttir ráðin í stöðu skólastjóra Reykjahlíðarskóla
Huld er grunnskólakennari að mennt og hefur mikla og víðtæka reynslu af skólamálum -
Vel sótt sjálfbærniráðstefna
Við lítum á þessa auknu aðsókn að þinginu ásamt gagnlegum umræðum skýrt merki um að þingið sé að vaxa og eflast -
Ótrúlegir Sparitónleikar - Myndasyrpa
Gríðarlegur fjöldi fólks var samankomin á Akureyrarvöll til að fylgjast með Sparitónleikunum -
Þorsteinn Kári á plötu vikunnar á Rás 2
Platan Hvörf með Þorsteini Kára sem kom út 9. júní hjá sjálfstæðu tónlistarútgáfunni og listakollektífinu MBS er plata vikunnar á Rás 2 -
Spariskógardagur í Kjarnaskógi í dag
Spariskógardagur Skógræktarfélags Eyfirðinga verður haldinn á Birkivelli í Kjarnaskógi í dag, sunnudag klukkan 13.
