7,2 km hjóla-og göngustígur milli Hrafnagils og Akureyrar
Göngu- og hjólastígurinn mun tengjast inn á nýjan göngu- og hjólastíg við Drottningarbraut á Akureyri. Mynd/Þröstur Ernir
Eyjafjarðarsveit hefur óskað eftir tilboðum í framkvæmd við hjólreiða- og göngustíg frá Hrafnagili að bæjarmörkum Akureyrar, ásamt lengingu stálröraræsa, endurnýjun og gerð nýrra ræsa undir stíg og lagfæringar á girðingum. Verkið felur í sér lagningu 7,2 km hjólreiða- og göngustíg milli sveitarfé- laganna og eru verklok áætluð þann 1. desember 2017.
Vikudagur greindi frá undirbúningi að framkvæmdinni í vetur. Þar kom fram að kostnaðaráætlun væri um 160 milljónir króna og því nokkuð stórt verkefni fyrir sveitarfélagið. Um 10 km eru á milli Hrafnagils og Akureyrar. Ólafur Rúnar Ólafsson, sveitarstjóri í Eyjafjarðarsveit, sagði í samtali við Vikudag að stígurinn yrði mikil samgöngubót og einnig öryggisatriði.
Stígur frá Vaðlaheiðargöngum áætlaður næsta vor
Blaðið fjallaði jafnframt um sambærilegan stíg frá Vaðlaheiðargöngum og yfir Leirurnar til Akureyrar sem Svalbarðsstrandarhreppur vinnur að. Verkefnið hefur verið í vinnslu síðan árið 2014. Eiríkur Hauksson, sveitarstjóri í Svalbarðsstrandarhreppi, segir að ekki sé búið að tryggja alla fjármögnun í verkefnið. Forsenda fyrir framkvæmdinni sé að Vegagerðin komi að fjármögnun stígsins og er Eiríkur bjartsýnn á að það takist fyrr en síðar. Hann bendir á að vegurinn sé vinsæl hjólaog gönguleið.
„Þetta er það hættulegur kafli og umferðin þarna um er ekkert að minnka,“ segir Eiríkur. „Vegagerðin er fjársvelt þessa dagana en við stefnum engu að síður á að fara í verkið næsta vor því þessu má ekki fresta mikið lengur.“
Nýjast
-
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið. -
“Jákvæð viðbrögð” um veiðigjaldið?
Heimir Örn Árnason skrifar um viðbrögð við veiðigjaldinu -
Vinnustaðir á Húsavík bjóða upp á íslenskukennslu á vinnutíma
„Við byrjuðum fyrir um þremur vikum síðan og erum með sjö manns sem sitja námskeiðið,“ segir Ármann Örn Gunnlaugsson, framkvæmdastjóri Sjóbaðanna í samtali við Vikublaðið.
