Vöfflur og bókagerð í Skúlagarði í dag
Það má til sannsvegar færa að þau séu komin í Hótel Skúlagarð í Kelduhverfi, bæði sumarið og Lóa, nánar tiltekið Lóa Hjálmtýsdóttir, teiknari og barnabókahöfundur – með litina með sér.
Gott fyrir listina að hafa góða lyst
Í dag Sumardaginn fyrsta byrjar hún með bókagerðarvinnustofu í Skúlagarði þar sem fólki á öllum aldri býðst að vinna myndasögur undir handleiðslu eins skemmtilegasta höfundar landsins. Í lífinu er aldrei verra að blanda saman list og lyst en í dag verður samhliða vinnstofunni hið margrómaða vöfflukaffi Hótels Skúlagarðs fyrir litlar 2500 krónur (frítt fyrir leikskólabörn en eins og öll vita er eitthvað einstakt við vöfflur úr Kelduhverfi). Þannig gefst tækifæri til að slá tvær flugur í einu höggi, kaupa sér kaffi og vöfflu og spreyta sig á bókagerð!
Ekki örvænta samt þó þú komist ekki í dag því Lóaboratoríum eins og hún kallar sig verður með vinnustofu alla daga fram á sunnudag. Vöfflur eru samt bara í dag.
„Þetta er alveg alla helgina og ég er að vona að fólk skili sér frá Húsavík enda löng helgi í skólunum,“ segir Egill Bjarnason en hann hefur rekið Hótel Skúlagarð undan farin ár ásamt konu sinni Sigrúnu Björgu Aðalgeirsdóttur.
ÓLD SKÚL í sveitinni
„Við erum í raun bara að hýsa verkefni sem er í gangi í sveitinni. Það er lista akademía sem heitir ÓLD SKÚL sem rekin er af Lókal listir sem stendur fyrir þessu. Akademían var stofnuð af þeim Ragnheiði Skúladóttur og Bjarna Jónssyni en þau eru nýflutt í gamla fundarhúsið við Víkingavatn,“ útskýrir Egill en ÓLD SKÚL fékk nýverið styrk úr uppbyggingarsjóði til að halda úti þessu starfi.
„Lóa er annar listamaðurinn sem kemur í Kelduhverfið á vegum ÓLD SKÚL en Benni Hemm Hemm kom í mars. Hann var með eldri deild grunnskólans í verkefni en uppleggið hjá Lóu er að hafa þetta ótengt skólunum. Viðburðirnir séu þar með opnir fyrir alla, óháð aldri,“ segir Egill og bætir við að hann vonist til að fá sem breiðastan hóp yfir þessa fjóra daga.
Áskorun að lengja tímabilið
Egill segir að þau Sigrún séu að hefja sína þriðju vertíð og gangi ágætlega. „Kjarninn í okkar starfsemi er að selja gistingu en það þyrfti að takast að lengja ferðaþjónustutímabilið á þessu svæði. Þetta er heldur stutt eins og það er í dag. Það er stóra verkefnið að ná að teygja þetta frá vori og fram á haustið,“ segir Egill og bætir við að það sé annað að selja gistingu í sveitinni en á Húsavík. „Við vorum með opið í vetur og fengum aðeins frá breska fluginu á Akureyri. Ef það er eitthvað sem gengur vel og á eftir að aukast, þá gætum það haft góð áhrif á ferðaþjónustuna á jafðarsvæðunum,“ segir Egill að lokum.
Tímasetningar á vinnustofum Lóu:
Fimmtudagur 23. apríl, kl. 13:00-16:00, vöffluhlaðborð
Föstudagur 24. apríl, kl. 13:00-16:00
Laugardagur 25. apríl, kl. 13:00-16:00
Sunnudagur 26. apríl, kl. 10:00-12:00
Nýjast
-
Frístundastyrkur fyrir eldri borgara
Akureyrarbær hefur ákveðið að innleiða nýjan tekjutengdan frístundastyrk fyrir eldri borgara með það að markmiði að efla þátttöku þeirra í uppbyggilegu frístundastarfi og draga úr félagslegri einangrun. -
Viljayfirlýsing um rafvæðingu skemmtiferðaskipa á Akureyri
Hafnasamlag Norðurlands og norska fyrirtækið PLUG hafa undirritað viljayfirlýsingu um samstarf við uppsetningu rafmagnstenginga fyrir skemmtiferðaskip á Akureyri. PLUG hefur mikla reynslu af uppsetningu slíks búnaðar, meðal annars í Noregi og annars staðar. -
Vöfflur og bókagerð í Skúlagarði í dag
Lóa er komin með sumarið í Skúlagarð -
Verk að vinna
List- og verkgreinakennsla í grunnskólum Akureyrarbæjar er alls konar. Það getur verið styrkleiki að hafa fjölbreytni en í þessu tilfelli er frekar um að ræða viðbragð við vöntun á hæfum kennurum, bágri aðstöðu eða hreinlega fjárskorti. Aðstöðumunur milli skóla er mjög mikill, allt frá endurnýjaðri, mjög góðri aðstöðu til ófremdarástands eða jafnvel engrar aðstöðu. Hér er ekki gætt að jafnræði og rétti nemenda til náms. -
Börnin okkar kalla - hver er að hlusta?
Í störfum okkar innan skólakerfisins á Akureyri sjáum við það daglega að kerfin okkar eru ekki að tala nógu vel saman. Þegar börn með fjölþættan vanda eiga í hlut mæta þau oftar hindrunum en tengingum milli kerfa. Ungmenni sem þurfa á félagslegum stuðningi að halda standa gjarnan frammi fyrir löngum biðtíma eftir aðstoð og þegar foreldrar leita leiða til að fá stuðning eru svörin oft óskýr eða takmörkuð. -
Einföldum kerfið og lækkum leikskólagjöld
Fyrir sveitarstjórnakosningarnar 2022 lofaði L-listinn 6 gjaldfrjálsum klukkustundum á dag og stóð við loforðið. Á yfirstandandi kjörtímabili var jafnframt ráðist í byggingu á nýjum 8 deilda leikskóla, Hagasteini og hefja fyrstu börnin leikskólagöngu sína þar í haust. -
Hollvinir færa sjúkrahúsinu lyfjadælur
Hollvinasamtök Sjúkrahússins á Akureyri hafa nýverið afhent sjúkrahúsinu tíu svokallaðar CADD-lyfjadælur. -
Andrésar Andarleikarnir verða settir í fimmtugasta sinn kvöld
Andrésar Andarleikarnir verða settir í fimmtugasta sinn kvöld. Meira er lagt í leikana í tilefni merkra tímamóta, sýning verður í Höllinni á laugardag, ný keppnisgrein er tekin upp á leikunum í ár og keppendur hafa aldrei verið fleiri. Til að sinna þeim margvíslegu verkefnum sem leysa þar á meðan á leikunum stendur standa um 150 sjálfboðaliðar vaktina. Gert er ráð fyrir að gestir á Akureyri í tengslum við leikana verði um eða yfir 4 þúsund. Leikarnir fara fram dagana 22. til 25 apríl. -
Útgáfuhóf á Sigurhæðum Hamingja og Prestur fer á stefnumót
Verk eftir Hildi Eir Bolladóttur og Mars Baldurs eru komin út í Pastel ritröð á vegum Flóru menningarhúss í Sigurhæðum á Akureyri. Útgáfuhóf verður af því tilefni á morgun, Sumardaginn fyrsta.
