Uppskeruhátíð ferðaþjónustunnar á Norðurlandi
Daníel Hansen, forstöðumaður Fræðaseturs um Forystufé, Freyr Antonsson og Silja Pálsdóttir, eigendur Arctic Sea Tours og Elín S. Sigurðardóttir, forstöðukona Heimilisiðnaðarsafnsins. Mynd MN
Uppskeruhátíð ferðaþjónustunnar á Norðurlandi var haldin á Norðurhjarasvæðinu á dögunum þar sem ferðaþjónustu fólk kynntist fjölbreyttri starfsemi sem þar fer fram, sögu og nærumhverfi.
Venju samkvæmt voru veittar en með þeim vill Markaðsstofa Norðurlands vekja athygli á því öfluga starfi sem unnið er í ferðaþjónustu á svæðinu og heiðra þau sem hafa skarað fram úr í uppbyggingu, þróun og samstarfi.
Arctic Sea Tours á Dalvík er fyrirtæki ársins að þessu sinni. Fyrirtækið hefur boðið upp á hvalaskoðun frá árinu 2009 og unnið að því að þróa þjónustu sína og auka fjölbreytni ferðanna, með öryggi og gæði í fyrirrúmi. Fyrirtækið gerir út tvo eikarbáta og tvo RIB-báta, en nýjasta viðbótin er Rökkur sem bættist í flotann vorið 2024.
Elín S. Sigurðardóttir, sem veitt hefur Heimilisiðnaðarsafninu á Blönduósi forstöðu um árabil, hlaut viðurkenningu fyrir störf í þágu ferðaþjónustu á Norðurlandi Heimilisiðnaðarsafnið er eina safn sinnar tegundar hérlendis og gegnir margþættu hlutverki, við sýningahald, rannsóknir, fræðslu og miðlun menningar. Lögð er áhersla á að veita innsýn í vinnu kvenna og karla sem fram fór á heimilum og var stór þáttur hins daglega lífs.
Hvatningarverðlaunin hlaut Daníel Hansen fyrir uppbyggingu og starf Fræðaseturs um forystufé á Svalbarði í Þistilfirði. Þar hefur hann staðið að áhugaverðri upplifun sem tengir saman íslenska búskaparhefð, fræðslu og menningu og gefur gestum innsýn í sérstæðan þátt í sögu og lífi þjóðarinnar.
Nýjast
-
Stofna samtökin Björgum Kristnesspítala
Þann 1. nóvember næstkomandi verða liðin 99 ár frá vígslu Kristneshælis í Eyjafirði. Ástand hússins er afar slæmt og búið er að loka endurhæfingunni. -
Uppskeruhátíð ferðaþjónustunnar á Norðurlandi
Uppskeruhátíð ferðaþjónustunnar á Norðurlandi var haldin á Norðurhjarasvæðinu á dögunum þar sem ferðaþjónustu fólk kynntist fjölbreyttri starfsemi sem þar fer fram, sögu og nærumhverfi. -
Færðu sjúkradeildinni gjafir að verðmæti 4,5 milljónir
Sjúkradeild Heilbrigðisstofnunar Norðurlands á Húsavík tók 19. október við veglegri gjöf frá Krabbameinsfélagi Suður-Þingeyinga. Um er að ræða tvö fullbúin sjúkrarúm og blöðruskanna, en samanlagt verðmæti gjafanna er um 4,5 milljónir króna. -
Lokaorðið - Skuldbinding
Að skuldbinda sig til einhvers er að skylda sig til einhvers eða heita einhverju með hátíðlegi loforði samkvæmt íslenskri orðabók. Þetta orð hefur leitað á huga minn í talsverðan tíma. Ég er nú einu sinni þannig gerð að heilinn í mér á það til að festast í einhverjum hugrenningum og þetta orð er eitt af þeim. Mér finnst skuldbinding fólks fara þverrandi. -
Minnisvarði um síðutogarasjómenn vekur mikla athygli
Minnisvarðinn um síðutogara og síðutogarasjómenn hefur fengið afar jákvæðar viðtökur frá því hann var settur upp skammt norðan við athafnasvæði Siglingaklúbbsins Nökkva á Höefnerssvæðinu. Hann hefur vakið athygli bæði innanlands og utan. Eldri togarasjómenn stóðu fyrir söfnun vegna minnisvarðans, en þeir standa nú frammi fyrir því að um 1,5 milljónir króna vantar upp á til að greiða niður síðustu skuldir vegna þessa verkefnis. -
„Vinnustaður þar sem fólk hefur jöfn tækifæri til að hafa áhrif“
Háskólinn á Akureyri hefur hlotið viðurkenningu Jafnvægisvogarinnar fyrir árið 2026 fyrir kynjajafnvægi í efsta lagi stjórnunar. -
Farþegafjölgun hjá Sæfara á liðnu sumri..... um einn
Farþegum með Grímseyjarferjunni Sæfara fjölgaði milli ára samkvæmt nýjum tölum fyrir tímabilið 1. maí til 1. september. Sumarið 2025 flutti ferjan 6.028 farþega en sumarið 2026 voru farþegarnir 6.029. Það fjölgaði um einn farþega á tímabilinu. -
Lögreglan á Norðurlandi eystra Óskar eftir fjármögnun 7 nýrra stöðugilda
Lögreglan á Norðurlandi eystra fer fram á fjármögnun fyrir sjö ný stöðugildi, þar af fimm til almennrar eflingar löggæslu og tvö vegna verkefna sem tengjast ofbeldi gegn börnum. -
Vilja að dætur geti leitað jafnt til pabba og mömmu
Tögl og tíðir: Að greiða hár barns getur verið meira en verkefni sem þarf að ljúka áður en haldið er út í daginn. Stundin getur líka gefið færi á spjalli, samveru og tengslamyndun. Á námskeiðinu Tögl og tíðir hjá Þekkingarneti Þingeyinga fá feður tækifæri til að æfa hárgreiðslu og fræðast um blæðingar. Markmiðið er að efla bæði færni þeirra og öryggi í föðurhlutverkinu.
