Vill ekki vera með of miklar væntingar til næstu ára
Húsavík hefur verið nefnd höfuðborg hvalaskoðunar á Íslandi en á árinu 2023 fóru 131.000 manns í hvalaskoðunarferðir frá Húsavík sem er tæplega 24% aukning frá fyrra ári. Árið 2023 er þar með stærsta árið í hvalaskoðun til þessa en um 110.000 farþegar fóru í hvalaskoðunarferðir frá Húsavík á árunum 2016- 2018.
Fjögur fyrirtæki buðu uppá í hvalaskoðunarferðir á nýliðnu ári en eitt þeirra er Gentle Giants hvalaferðir. Stefán Guðmundsson framkvæmdastjóri félagsins segir í samtali við Vikublaðið að þróunin hafi verið ánægjuleg eftir erfið ár vegna covid faraldursins en segir jafnframt að of snemmt sé að tala um viðsnúning.
„Ég er lítið fyrir það að tala í fyrirsögnum en maður hafði svo sem væntingar til þess að þetta tæki tíma að jafna sig og styrkjast frá covid tímanum og mér sýnis að það hafi verið rétt,“ segir hann og bætir við að nýliðið ár hafi vissulega verið gott með tilliti til komu ferðafólks en enn sé mikil óvissa í ferðaþjónustunni næstu árin miðað við ástandið í heiminum og innanlands.
Blikur á lofti
„Við höfum verið að einbeita okkur að því að vera ekki með of mikla væntingar til næstu ára því það eru blikur á lofti víða en taka vel og fagnandi á móti því þeim sem vilja og geta komið til okkar. Við erum alltaf að reyna vera hófstillt þegar utanaðkomandi aðstæður eru eins og þær eru, aðstæður sem við getum engu ráðið um,“ segir Stefán og bendir á stríðsátök í Úkraínu og á Gazasvæðinu sem dæmi. „Svo er hálfgert efnahagsstríð innanlands og náttúruhamfarir þar sem stórt sveitarfélag á Reykjanesi er nánast úr leik.“
Gagnrýnir fréttatilkynningar til erlendra fjölmiðla
Aðspurður hvort hann telji að jarðhræringar og eldsumbrot geti haft neikvæð áhrif ferðaþjónustuna á Norðurlandi segir hann að það sé raunverulegur óvissuþáttur sem taka beri alvarlega. Hann hafi sömuleiðis verulegar áhyggjur af ónákvæmum fréttaflutningi erlendra fjölmiðla þar sem víða sé dregin upp sú mynd að allt landið logi hreinlega í eldgosum.
„Ég er búinn að gagnrýna það síðustu vikur og benda á mjög óljósar og óafgerandi fréttatilkynningar frá Íslandsstofu og fleiri ábyrgum aðilum. Þar er ekki tekin eindregin afstaða né réttum skilaboðum komið á framfæri við erlenda fjölmiðla varðandi eldsumbrotin á Reykjanesi. Það er ekkert eðlilegt að sjá fyrirsagnir þar sem að gera engan greinarmun á landshlutum og hafa jafnvel farið út í það að segja að Ísland sé allt rauðglóandi. Það er ekkert tillit tekið til þess að 99,9 prósent af landinu er öruggt og í fínu lagi,“ segir hann og leggur áherslu á að stjórnvöld verði líka að vakna af blundinum hvað varðar flugsamgöngur til landsins til framtíðar.
Kallar eftir aðgerðum
„Ég hef auðvita furðað mig á andvaraleysi ríkisstjórnarinnar þegar kemur að meginflugvelli landsins í Keflavík. Mér finnst menn vera algjörlega steinsofandi hvað þetta varðar. Að setja ekki núna, þegar allir helstu eldfjallasérfræðingar séu búnir að vara við því að Reykjanesskaginn sé vaknaður og þetta geti staðið yfir með alls konar umbrotum í áratugi, jafnvel árhundruð. Hvað liggur þá fyrir annað en að byggja upp sambærilega miðstöð alþjóðaflugs á Norðausturhorninu? Við getum ekki afkastað nema í besta falli einum tíunda af því sem Keflavíkurflugvöllur afkastar með Akureyri og Egilsstaði samanlagt. Ég væri löngu búinn að útbúa völl sem gæti leyst Keflavík af með stæl,“ segir Stefán að lokum.
Nýjast
-
Löngu tímabært að taka þetta samtal
-Segir Huld Hafliðadóttir, einn af stofnendum SVÍVS um Málþing um framtíð Skjálfandaflóa á Húsavík -
Aðalsteinn Árni heiðraður fyrir vel unninn störf í þágu verkafólks
Á fjölmennum hátíðarhöldunum á Húsavík í dag í tilefni af 1. maí var Aðalsteinn Árni Baldursson formaður Framsýnar heiðraður sérstaklega fyrir vel unninn störf í þágu félagsmanna Framsýnar og samfélagsins alls en hann hefur verið mjög áberandi í umræðunni um verkalýðsmál í þrjá til fjóra áratugi. Var hann sæmdur gullmerki félagsins fyrir óeigingjörn störf í þágu félagsins. Hátíðargestir stóðu upp og klöppuðu fyrir honum vel og lengi. Hér má lesa ávarp varaformanns félagsins -
Fjölmenn hátíðarhöld á Húsavík
Nú kl. 14:00 hófust hátíðarhöld á Húsavík í tilefni af 1. maí. Mikið fjölmenni er samankomið á Fosshótel Húsavík þar sem hátíðarhöldin fara fram. Boðið er upp á magnaða dagskrá, tónlist, barátturæður og kaffihlaðborð. Hér má lesa hátíðarræðu formanns Framsýnar, Aðalsteins Árna, sem er ekki hefðbundin í ár þar sem hann fagnar 30 ára starfsafmæli. Hér má lesa ræðuna: -
Hreinsstöð fráveitu 100 tonn af rusli síuð frá
Hreinsistöð fráveitu Norðurorku hefur sannað gildi sitt en á þeim tíma sem hún hefur verið starfrækt hafa tæplega 100 tonn af rusli verið síuð úr fráveituvatninu sem annars hefðu endað út í sjó. Gerlamengun við strandlengju Akureyrar hefur í kjölfarið minnkað umtalsvert. Hreinsistöðin er því mikil umhverfisbót fyrir samfélagið allt við Eyjafjörð að því er fram kom á aðalfundi Norðurorku. -
Mannréttindaviðurkenning Akureyrarbæjar til Rauða krossins við Eyjafjörð
„Rauði krossinn byggir starf sitt umfram allt á framlagi sjálfboðaliða. Rauði krossinn á Íslandi og við Eyjafjörð hefur verið svo lánsamur að eiga á hverjum tíma aðgang að öflugum hópi sjálfboðaliða. Framlag þeirra til mannúðarmála verður seint metið til fjár. Vegna þessa sjálfboðna starfs er starfsemin í okkar samfélagi jafn öflug og raun ber vitni,“ sagði Þorsteinn Björnsson formaður deildarinnar þegar hann tók við viðurkenningunni. -
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu.
Athugasemdir