Vikudagur kemur út í dag
Vikudagur kemur út í dag, fimmtudaginn 16. Apríl eftir stutt páskafrí og að vanda kennir ýmissa grasa í blaði vikunnar. Meðal efnis í blaðinu:
-Fari svo að ekkert skemmtiferðaskip komi til Akureyrar í sumar getur norðlenska hagkerfið orðið af milljörðum króna. Þetta segir Pétur Ólafsson hafnarstjóri á Akureyri. Komum skemmtiferðaskipa til Akureyrar hefur aukist jafnt og þétt undanfarin ár og skapað umtalsverðar tekjur fyrir ferðaþjónustuna.
-Ásgeir Ólafsson Lie skrifar pistil um hvernig það er að vera í einangrun vikum saman vegna langveikrar dóttur sinnar útaf Covid-19.
-Katrín Eiríksdóttir heldur um áskorendapennan og kemur með áhugaverðan pistil.
-Lífið er öðruvísi nú en við eigum að venjast á flesta hátt. Margir vinna heima og hitta færri en áður, þjónusta er víða takmörkuð og skipulögð afþreying liggur í flestum tilvikum niðri. Þrátt fyrir þetta þá skiptir máli að láta sér líða vel og gera það besta úr aðstæðum. Á vef Akureyrarbæjar er búið að lista niður ýmsar hugmyndir sem hægt er að gera í samkomubanninu sem stendur yfir til 4. Maí og er farið í saumana á því í blaðinu.
-Í Húsi vikunnar fjallar Arnór Bliki Hallmundsson um Hafnarstræti 86 (Verslunin Eyjafjörður).
-Arna Sif Ásgrímsdóttir knattspyrnukona með Þór/KA er Íþróttamaður vikunnar í blaðinu og ræðir um sportið og hvernig æfingar hafa gengið í samkomubanninu.
-Í síðasta fundi bæjarráðs Akureyrar voru lögð fram drög að samkomulagi um nýtt hjúkrunarheimili á Akureyri. Bæjarráð lýsir yfir vilja sínum til uppbyggingar hjúkrunarheimilis við Lögmannshlíð og felur bæjarstjóra að ræða við stjórnvöld um fyrirkomulag framkvæmda og samning
-Fyrsta skóflustunga að leikskólanum Klöppum við Glerárskóla á Akureyri var tekin rétt fyrir Páskahátíðina. Í aðgerðaáætlun Akureyrarbæjar til að mæta efnahagslegum og samfélagslegum áhrifum faraldursins er lögð áhersla á að framkvæmdir ársins gangi eftir, en í fjárhagsáætlun er gert ráð fyrir 4,4 milljörðum króna í fjárfestingar 2020.
-Í Matarhorninu er það ritstjóri blaðsins sem hleypur undir bagga og kemur með nokkrar úrvals uppskriftir sem tilvalið er að elda í samkomubanninu.
Þetta og meira til í Vikudegi í dag. Hægt er að gerast áskrifandi með því að smella hér. Þá er áskriftarsíminn 460-0750 og 860 6751. Einnig er hægt senda póst á askrift@vikudagur.is.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir