Vikudagur kemur út í dag
Vikudagur kemur út í dag, fimmtudaginn 3. október og að vanda kennir ýmissa grasa í blaði vikunnar. Meðal efnis í blaðinu:
-Í síðustu viku fór fram kynningarfundur um búsetu fatlaðs fólks á Akureyri og var fundurinn vel sóttur. Biðtími eftir búsetu brann helst á fundargestum en ýmis úrræði eru í vinnslu í málaflokknum.
- Hestamannafélagið Léttir íhugar að leita réttar síns gagnvart Akureyrarbæ. Málið varðar nýja brú yfir Eyjafjarðará sem átti að reisa í haust en hefur verið frestað.
-Tryggvi Gíslason fyrrum skólameistari MA skrifar um Sigurhæðir en mikil ólga er vegna fyrirhugaðrar sölu bæjaryfirvalda á Akureyri á húsinu.
-Helga Sigrún Ómarsdóttir er ÍAK einkaþjálfari og starfar á líkamsræktarstöðinni Bjargi á Akureyri. Þar býður hún m.a. upp á námskeiðið Absolute Training. Líkamsrækt og heilsa eru helstu áhugamál Helgu og hefur hún mikinn metnað fyrir því að aðstoða fólk við að ná sínum markmiðum. Við fengum Helgu Sigrúnu til að gefa lesendum góð ráð inn í haustið.
-Krakkarnir úr Hríseyjarskóla saumuðu grænmetispoka sem er núna hægt að fá lánaða í Hríseyjarbúðinni. Fjölnota innkaupapokar hafa verið að ryðja sér til rúms í versluninni.
-Siglingaklúbburinn Nökkvi fer fram á það að meirihluti bæjarstjórnar Akureyrar standi við gerðan samning um uppbyggingu Nökkva frá 2014.
-Brynhildur Bjarnadóttir, kennari við Háskólann á Akureyri, er annar höfundur bókarinnar Náttúruþankar sem kom út í byrjun þessa mánaðar. Bókina skrifaði hún í samstarfi við föður sinn Bjarna E. Guðleifsson, náttúrufræðing á Möðruvöllum, sem er jafnframt aðalhöfundur bókarinnar. Bjarni glímdi við erfið veikindi og lést viku eftir að bókin kom út.
Þetta og meira til í Vikudegi í dag. Áskriftarsíminn er 460-0750 og 860 6751. Einnig er hægt senda póst á askrift@vikudagur.is.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir