Viðburðaríkt, fjölbreytt og umfram allt spennandi starfár fram undan
mth@vikubladid.is
„Þetta er ofsalega gaman. Nú er allt komið á fullt og fjölbreyttir viðburðir fram undan auk þess sem Hof hefur fyllst af lífi að nýju enda mikið um ráðstefnur og fundi í húsinu,“ segir Eva Hrund Einarsdóttir nýr framkvæmdastjóri Menningarfélags Akureyrar.
Starfsár Menningarfélagsins var kynnt fyrir helgi og er dagskráin svo sannarlega spennandi. „Ég get ekki beðið eftir að sjá söngleikinn Chicago sem Leikfélag Akureyrar frumsýnir í janúar 2023,“ segir Eva Hrund en Marta Nordal, leikhússtjóri LA, mun leikstýra söngleiknum. „Söngkonan Jóhanna Guðrún leikur Velmu og það er afar gleðilegt að fá hana til okkar. Þórdís Björk Þorfinnsdóttir verður hjá okkur áfram en hún mun leika hitt stóra hlutverkið, nýstirnið Roxý. Það verður áhugavert að sjá Dídí mannabarn í því hlutverki,“ segir Eva Hrund og bætir við að einnig sé fengur í að hafa fengið Margréti Eir Hjartardóttur í söngleikinn auk fjölda hæfileikafólks, bæði dansara og leikara en til að mynda verður sjálfur Lee Proud með danshreyfingarnar.
Einleikir áberandi á haustdögum
Starfsár Leikfélags Akureyrar hefst hins vegar núna strax í byrjun september þegar LA frumsýnir verkið Hamingjudaga eftir Beckett. Með aðal hlutverkið fer Edda Björg Eyjólfsdóttir en auk hennar leikur Árni Pétur Guðjónsson í sýningunni. „Þetta verk má enginn láta fram hjá sér fara. Sýningin fer fram í Svarta Boxinu í Hofi en aðeins verða fjórar sýningar hér fyrir norðan áður en sýningin heldur suður yfir heiðar og verður sett upp í Borgarleikhúsinu,“ segir Eva sem segir haustið tileinkað einleikjum þar sem gesta-einleikir á borð við Góðan daginn, faggi, Líf og Fíflið taki yfir Samkomuhúsið. Þar að auki má nefna Fjölskyldufjör með Halla, Góa og Jóni Ólafs sem fram fer í Samkomuhúsinu um næstu helgi.
Anna Maria stjórnar SN aftur
Starfsárið hjá Sinfóníuhljómsveit Norðurlands hófst strax á Akureyrarvöku þegar blásarakvintettinn Norð-Austan 5 bauð gestum og gangandi í Hofi á Akureyrarvöku upp á Pop Up tónleika. Sunnudaginn 18. september er komið að klassíkinni þegar hinn heimsfrægi hljómsveitarstjórinn Anna Maria Helsing mætir aftur í Hof til að stjórna sveitinni flytja síðustu sinfóníu Haydn og fyrstu sinfóníu Beethoven.
JóiPé og Króli með Sinfónuhljómsveitinni
„Svo vendum við okkar kvæði í kross og bjóðum upp á spennandi og öðruvísi dagskrá rapp og sinfóníu þegar tónlistarmennirnir JóiPé og Króli koma fram ásamt Sinfóníuhljómsveit Norðurlands á tónleikunum Bless í bili sem fram fara í Hamraborg í lok október. „Þarna ætla þeir félagar, Jóipé og Króli, að fara yfir sex síðustu ár því nú er komið að tímamótum – Króli er að fara í skóla og Jói að einbeita sér að sólóferli sínum. Það verður því einstaklega gaman að sjá öll þessi þekktu lög þeirra flutt í síðasta skipti í bili og hvað þá með heilli sinfóníuhljómsveit en tónskáldið og hljómsveitarstjórinn Þórður Magnússon hefur unnið með strákunum að sinfónískum útsendingum af lögunum þeirra.“
Loksins Nýjárstónleikar
Í janúar er komið að Nýárstónleikum Sinfóníuhljómsveitar Norðurlands en beðið hefur verið eftir þeim viðburði í nokkurn tíma vegna frestana út af heimsfaraldrinum. „Þetta verða glæsilegir tónleikar undir stjórn Daníels Þorsteinssonar með stórsöngvurunum Þóru Einarsdóttur, Andra Birni Róbertssyni, Hönnu Dóru Sturludóttur og Degi Þorgrímsson. Á tónleikunum verður einnig frumflutt Fantasía um Ólaf Liljurós sem Michael Jón Clarke samdi í tilefni tónleikanna,“ segir Eva Hrund og bætir við að seinna í janúar sé svo komið að áðurnefnda söngleiknum Chicago.
Páskatónleikar og stofutónlist
Sinfóníuhljómsveit Norðurlands hefur haft þann vana á að halda veglega páskatónleika og á næstu páskum verður engin breyting þar á þegar Bjarni Frímann Bjarnason stjórnar þegar sveitin flytur nokkrar af fegurstu verkum Bach og hinn stórmerkilega Concerto Grosso eftir Alfred Schnittke. Í maí er svo komið að Steinunni Arnbjörgu og stofutónlistinni. „Steinunn Arnbjörg er afkastamikið tónskáld og fær hér frjálsar hendur til að sníða efnisskrá eftir sínu höfði. Það er því ljóst að framundan er viðburðaríkt, fjölbreytt og umfram allt spennandi starfár hjá Menningarfélaginu þar sem allir ættu að finna eitthvað við sitt hæfi,“ segir Eva Hrund og börnin verða þar svo sannarlega ekki undanskilin en leiklistarskólinn fer af stað um miðjan steptember, síðan verða skólatónleikar og barnamorgnar svo eitthvað sé nefnt. Þeir sem vilja kynna sér dagskránna nánar er hana að finna á vefsíðu Menningarfélagsins.
Nýjast
-
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi. -
Hörður Óskarsson styrkir Krabbameinsfélagið
Hörður Óskarsson færði Krabbameinsfélagi Akureyrar og nágrennis ríflega hálfa milljón króna sem er andvirði af sölu á skarti úr gamalli mynt sem hann selur undir nafninu Mynthringir og alls konar.
Athugasemdir